DILI, STLTIMORLESTE.com – Primeiru Ministru (PM), Kay Rala Xanana Gusmão hatete, eis Prezidente Republika Indonezia feto potensial ho vizaun global, Timoroan feto no mane presiza aprende husi nia esperensia hodi dezenvolve nasaun.
Primeiru Ministru Kay Rala Xanana Gusmão liu husi konferensia iha Palasiu Prezidensial Nicolau Lobato, Bairo Pite, Kinta (09/07/2026) hatete, eis Prezidente Republika Indonezia, Megawati Soekarnoputri hanesan feto potensial ho vizaun global neebe infleusia tanba nee feto no maneTimoroan sira tenke aprende husi nia esperensia neebe nia iha hodi bele dezenvolve rai nee ba oin ho prosperu.
“Loron ohin ohin mak loron ida nee ita sei la haluha, ohin iha palasiu Prezidensia ita simu ona figura istoriku, ema ida neebe foin hanorin ita buat barak konaba nasaun ida nia moris. Nia sai ezemplu ba feto hotu hotu iha Timor-Leste, oinsa bele hasae kapasidade iha vizaun no misaun neebe luan, ida neebe bele hare ba futuru,” dehan Primeiru Ministru Xanana.
Iha biban nee Primeiru Ministru husu lisensa ba Eis PR Ibu Megawati hodi bolu naran Ibu Mega deit, no iha oportunidade Ibu Mega mos resposta katak bele.
Iha biban Primeiru Ministru Kay Rala Xanana hatete nia aprende husi eis Prezidente Republika Ibu Megawati.
“Dala barak ita temi Soekarno, Soekarno, Soekarno maibe ohin momentu ida nee Soekarno iha lalehan neeba haree kontente ita bele hasoru malu,” katak PM Xanana.
Xefe Governu hatete ohin assuntu lubuk mak mak koalia hamutuk iha palasiu Prezidensial koalia konaba rekonsiliasaun nomos aspektu hotu hotu ida nee laos feto Timor Leste deit mak aprende husi Ibu Megawati Soekarno maibe mane sira mos presiza aprende husi nia esperiensia sira.
“Dala barak ita koalia baa an deit nomos koalia konaba iha familia nia laran nee deit maibe haluha responsabilidade ba publiku no mundu. “Mega hau so hatoo deit obrigado wain,” katak PM Xanana.
Xefe Goverrnu mos hatoo nia agradesimentu ba Megawati Soekarnoputri no koalia konaba rekonsiliasaun no aspetu moris hotu-hotu hanesan lisaun ida laos deit ba feto Timor-Leste maibe mos ba mane.
Iha biban nee Eis Prezdente Republika, Ibu Megawati Soekarnoputri hatete, sente kontente bainhira bolu naran Mega deit no bolu Xanana deit nee hanesan parte ida oinsa hametin lasu amizade neebe labele haluha iha moris.
Iha biban nee Ibu Megawati hatoo agradese ba Prezidente Republika nomos Primeiru Ministru no povu Timor Leste neebe simu sira nia delegasaun ho diak tebes.
“Agradese ba parte hotu neebe simu ami nia delegasaun diak tebes, hau hanoin ohin hau mai koalia deit ho Prezidente Republika no Primeiru Ministru deit maibe mai iha nee haree simu oinsa seluk liu buat neebe ami espera,” dehan Eis PR Ibu Megawati.
Nia mos hatutan, bainhira too iha Dili haree ambiente neebe mak diferente kompara ho tempu uluk, tanba uma barak tebes too iha tasi ibun nakonu ho uma.
Iha biabn nee nia mos enkoraja feto sira hotu hodi lao ba oin, no ida neebe la partisipa iha konstrusaun estadu bele halo atividade seluk hanesan soru tais tanba dadaun nee tais hanesan identidade nasaun neebe rekoinese ona husi mundu Internasional.
(eme)
