DILI, STLTIMORLESTE.com – Xefe Estadu Maior Konjuntu Forsa Armada Brasil nian, Almirante Esquadra Renato Rodrigues de Aguiar Freire, tuir kompeténsia neebe nia iha, deside ona atu kondekora Ministru Defeza (MD) Kontra Almirante Donaciano do Rosário Gomes “Pedro Klamar Fuik”.
Nia dehan, Ministru Defeza Kontra Almirante Donaciano do Rosário Gomes “Pedro Klamar Fuik” Kontra-Almirante Donaciano Gomes, ho Medalha Méritu Estadu-Maior Konjuntu Forsa Armada sira.
Iha serimonia kondekorasaun nee akontese hafoin Embaixadór Brazil ba Timor Leste, Recardo Real hasoru nia omologu Ministru Defeza Kontra Almirante, Donaciano do Rosário Gomes “Pedro Klamar Fuik” iha Ministeriu Defeza Fatuhada, Segunda (01/6/2026).
Serimonia ida nee nia objetivu mak atu halao solenidade entrega Medalha Méritu Estadu-Maior Konjuntu Forsa Armada Brasil nian ba Ministru Defeza Kontra Almirante Donaciano do Rosário Gomes “Pedro Klamar Fuik”.
Nia esplika, Medalha Méritu Estadu-Maior Konjuntu Forsa Armada sira nee estabelese liu husi Dekretu Núm. 8.554, loron 6 fulan Novembru tinan 2015, no regula liu husi Portaria Ministériu Defeza Brasil Núm. 5.424, loron 27 fulan Outubru tinan 2022.
Nia deklara, medalha ida nee destina atu fo agrasiamentu ba militar no sivíl sira, Brasil no estranjeiru, organizasaun militar sira no instituisaun sivíl nasionál sira neebe fo ona servisu relevante ba Estadu-Maior Konjuntu Forsa Armada Brasil nian.
“Ami konvida Sua Excelénsia Ministru Defeza Timor Leste atu foti fatin neebe prepara ona ba realizasaun entrega komenda nee. Ami mos konvida Sua Excelénsia Embaixadór Brasil ba Repúblika Demokrátika Timor-Leste, Ricardo José Lustosa Leal, no Sua Excelénsia Jeneral Exérsitu Alceu Alves Almeida Costa atu halao entrega medalla nee”, hatete Adidu Defeza Brazil ba Timor Koronel Vitor Hugo Bergamachi iha salaun bilaterál Ministeriu Defeza Segunda feira (01/06/2026).
Iha fatin hanesan, kondekorasaun Ministru Defeza Kontra Almirante, Donaciano do Rosário da Costa Gomes “Pedro Klamar Fuik” esplika, ba dahuluk hatoo hau nia respeitu ba Xefe Estadu Maiór Konjunta Forsa Armada Brazil ba ita nia alta kondekorasaun neebée ohin atribui ba hau.
“Simu ida nee ho umildade, konsientente ho signifika ba omenajen ida nee nudar konfiansa ida neebe nia manifesta. Medalha ida nee nuudar rekonhesimentu pesoal ba hau neebe reprezenta valór dever, disipliña no komprimisiu institusionál no dessiksaun servisu sira ba kauza maior entre ita. No medalha ida nuudar simbolu ba lasu amizade, respeitu kooperasaun neebe entre povu rai rua nian no ba ita nia Institusaun,” katak nia.
Pedro Klamar Fuik koalia, atribuisaun ba medalha ida nee hanessn mos relasaun entre nasaun rua nee iha ona neebe lao iha tempu naruk nia laran neebe lao hamutuk ho responsabilidade, oferese orientasaun no ba kontribuisaun ba misaun ida neebe komprimenta ba objetivu komum.
“Ho ida nee hau manifesta hau nia gratidaun. Hau simu ondra ida nee ho fuan no rekoñesimentu ida nee nudar responsabilidade dobru. Medalha ida nee ba hau laos nuudar pontu ida neebe too iha nee, maibe ida nuudar permanente ida neebe istomula hodi kontinua servi ho legalidade ho sentidu dever hametin liu tan pas iha kooperasaun entre rai rua Timor Leste no Brazil,” nia hatutan.
Ministru Defeza Kontra Almirante, Donaciano do Rosário da Costa Gomes Pedro “Klamar Fuik” fo nia agradesimentu ba Brazil ba atribuisaun medalla nee be fo.
“Ida nee sei demostra liu relasaun institusionál rai rua nian. Ba hau ida nee orgulllu boot tanba Governu Brazil bele rekoñese institusaun ida no ida nudar mutuál respeitu ida neebe haree liu ba valór servisu hodi kumpre ba ondra sira. Obrigadu ba Señor Jenerál no ba hotu hotu neebe iha nee,” nia afirma.
(jen)
