DILI, STLTIMORLESTE.com – Xefe Estadu-Maior Jenerál F-FDTL, Tenente-Jenerál Domingos Raúl “Falur Rate Laek”, enkontru ho Ministru Defeza Austrália, Richard Marles, atu hametin kooperasaun bilaterál.
Tuir komunikadu imprensa F-FDTL ne’ebé STL asesu, enkontru kortezia ne’e hala’o iha loron Kinta (22/10/2026), iha Hotel Palm Spring, Fatuhada, Díli.
Enkontru ne’e ho objetivu atu hametin kooperasaun entre Forsa Defeza Timor-Leste (F-FDTL) no Australian Defence Force (ADF), liuliu iha área defeza no seguransa.
Kooperasaun ne’e sai parte husi esforsu atu kontinua dezenvolve parseria estratéjika entre Timor-Leste no Austrália, hodi haforsa kapasidade instituisaun defeza nasaun rua.
Aleinde ne’e, enkontru kortezia refere mós sai oportunidade importante atu hametin amizade no haforsa relasaun bilaterál entre Timor-Leste no Austrália.
Timor-Leste no Austrália kontinua buka oportunidade atu dezenvolve kooperasaun iha área defeza no seguransa, liuliu liuhosi relasaun institusionál entre F-FDTL no ADF.
(jen)
