DILI, STLTIMORLESTE.com – Sekretaria Estadu ba Igualdade (SEI), Elvina Sousa Carvalho konvida Prezidente Republika (PR) Jose Ramos atu partisipa forum politika kona-ba prevensaun violensia bazeia ba jeneru iha Nova Yorke.
Bainhira remata hasoru malu, Sekretariu Estadu ba Igualdade, Elvina sousa Carvalho ba jornalista sira iha Palasiu Prezidensial Nikolao Lobato, Bairu Pite, Kinta lokraik (12/06/2025) hatete, ohin mai hasoru malu ho Prezidente Republika hodi konvida Prezidente partisipa politika forum ba prevensaun violensia bazeia ba jeneru iha Nova Yorke.
“Sekretaria Estadu ba igualdade ohin mai hasoru sua exelensia Prezidente Republika atu husu disponiblidade husi senhor Prezidente nian atu bele fo mensajen no koalia iha eventu ida level politika forum iha Nova Yorke, forum iha Nova Yorke nee Sekretaria Estadu ba Igualdade primeiru vez organiza sai eventu ida neebe mak koalia kona-ba prevensaun violensia bazeia ba jeneru hodi fahe esperiensia Timor nia kona-ba prevensaun violensia bazeia ba jeneru,“ dehan Sekretaria Estadu ba Igualdade.
Sekretaria Estadu ba Igualdade dehan, sente orgulhu tanba ho enkontru nee rezultadu diak tanba Prezidente Republika disponivel atu partisipa.
“Ohin ami kontente no orgulhu tebes tanba Prezidente mos disponibliza sei hatoo mensajen iha eventu refere, tanba nee mak ami hanoin katak enkontru ida ohin diak tebes.
Sekretaria Estadu ba igualdade hatete, eventu nee sei halao iha fulan oin iha Nova Yorke iha loron 14 Julhu.
Nia hatutan, husi Timor ba sei halo mos eventu ida ligadu ho prevensaun violensia bazeia ba jeneru ihanTimor Leste nia, fahe mos esperiensia Timor nia hodi responde ba kazu sira hanesan violensia domestika no prevensaun sira neebe ba esforsu hapara violensia bazeia ba jeneru.
“Tanba ita haree katak avansu barak iha prevensaun violensia bazeia ba jeneru,” katak Sekretariu Estadu ba Igualdade.
Enkontru kortejia ho Prezidente Repiublika (PR), Jose Ramos Horta iha Palasiu Prezidensial Nicolau Lobato, akompanha husi Diretor Jeral SEI, Armando da Costa, Diretora Nasional Relasaun Publika no Média SEI, Maria Filomena Babo Martins, Asesora SEI – Santina Soares no Asesora husi UN Women iha SEI- Sra. Ubalda Alves.
(eme)
