DILI, STLTIMORLESTE.com – Padre Richardo Pasang, SVD hatete, Jesus hanorin ema oinsa kuidadu matan hodi fo naroman ba nia aan.
Padre Richardo Pasang, SVD hatoo lia hirak nee ba jornalista STL Sesta (20/06/2025) liu husi nia refleksaun hatete, Jesus nia liafuan dehan se o nia matan diak, sei haroman o nia isin no moris tomak, tanba nee husu ema hotu atu kuidadu matan atu fo naroman nafatin nia aan.
Padre dehan husi evanjelho Mat. 6 : 22 Shatete e seus olhos estão bons, todo o corpo está claro” Iha moris mundu nee, ema sempre avalia nia maluk sira ho buat neebe hare ho matan ninia life style, estatus, background ou sala iha tempo pasado. la sente katak, uza matan sorin hodi avalia, matan neebe nakonu ho deskonfia no laran moras.
“Jesus nia liafuan, se o nia matan diak, sei haroman o nia isin no moris tomak, husu ita atu kuidadu ita matan atu fo naroman nafatin ita nia aan. Tanba husi ita nia matan neebe moos, hatudu ita nia laran moos hodi haree ema seluk ho fuan la ho deskonfia. Matan moos hatudu mos ita nia laran. Sekuandu ita nia matan moos, tanba domin mak buat neebe ita haree laos sala ema seluk nian ou buka ema seluk nia salan maibe oportunidade atu fo perdua malu,” dehan Padre.
Bibi atan kreda katolika nee dehan, matan neebe diak mak fuan mos sei la tau interese ba riku soin mundu, maibe fiel nafatin iha Nai Maromak.
“Se ita nia matan moos, tanba esperansa mak ita nia moris sei haroman ema seluk, maske mundu nakonu ho nakukun. Tanba matan neebe diak mak fuan neebe la tau interese ba rikusoin mundu nian, maibe fiel hodi hateke Nai nia naroman neebe akompanha kada etapa moris hodi atinji dame verdadeiru iha moris hamutuk ho Maromak no maluk sira. Mai ita uza ita nia matan didiak atu bele haree mos ita nia aan rasik no ema seluk ho fuan moos.” Katak Padre.
Padre husu ema hotu kuidadu matan atu bele haree moos nia aan, keta uza nia matan sorin hodi avalia ema seluk maibe haluha avalia aan rasik.
(eme)
