BAUKAU, STLTIMORLESTE.com – Progresu ba projetu manutensaun no reabilita estrada rural no munisipal sira iha Munisipiu Baukau hamutuk pakote 44, neebe durante nee lao progresu fiziku foin atinji 36%.
Koordenador Tekniku Obras Publikas Destakadu Munisipiu Baukau, Diego Cipriano Caleza esplika, projetu estrada pakote 44 refere kompostu pakote ida tinan 2016 nian neebe implementa iha Suku Fatulia, Postu Administrativu Venilale, enkuantu pakote 43 seluk projetu tinan 2022 too 2025 ho kategoria projetu fundu infraestrutura, linha ministeriais, kategoria projetu emerjensia inklui projetu impretisimu neebe monitoriza direita husi ekipa nasional.
“Projetu pakote 44 progresu iha fulan Maiu jeralmenente nee ezekusaun lao hela nee iha 36.01% sei iha balansu 63.99% total orsamentu ba projetu nee US$ 67 milhoes gasta ona hamutuk US$ 24.39 milhoes,” hateten Diego ba STL iha Vila Nova Baukau, Kuarta (25/06/2025).
Tuir dadus Tekniku Obras Publikas Destakadu Munisipiu Baukau, projetu estrada pakote 44 nee, projetu linha dahuluk reabilita estrada rural Venilale-Uaioli kilometru (Km) 8.550 metrus responsabiliza kompanhia lokal tolu mak hanesan kompanhia lokal Putra Baukau Unipesoal Lda ho valor orsamentu US$ 666,971.12 progresu fiziku akumuladu 76,28%, Macaloco Construction Unipesoal Lda ho valor orsamentu US$ 490,661.40 progresu fiziku 100%, Morende Construction Lda valor orsamentu US$ 365,170.02 fiziku 100%.
Estrada rural Afasa-Uaitame km 12 responsabiliza kompanhia lokal haat, mak hanesan Flores Unipessoal Lda ho valor orsamentu US$ 510,231.96 fiziku 70.11%, Helcia Unipessoal Lda ho valor US$ 619,654.00 fiziku 64,46%, DVP Construction Unipesoal Lda ho valor US$ 588,618.90 fiziku 80,25%, Lialura Unipesoal Lda ho valor US$ 535,826.40 fiziku akumuladu 29.12%.
Kompanhia Sicola Unipesoal Lda responsabiliza package II estrada rural iha Abuti Serebu’u km 2.450 metru ho valor orsamentu US$ 448,741.07 progresu fiziku akumuladu 3,05%.
Estrada rural Buibau-Samalari too Belavista km 10.500 metrus responsabiliza husi kompanhia lokal hitu, mak hanesan Nenov N5 Unipesoal Lda ho valor orsamentu US$ 409,205.00 progresu fiziku akumuladu 12,20, Levobalega Unipesoal Lda ho valor US$ 407,603.69 fiziku 19,83%, Mexa Unipesoal Lda ho valor US$ 447,615.29 fiziku 6,74%, Alefrans Ximenes Unip ho jv JOR unip Lda valor US$ 465,028.05 fiziku 18,77% no Zilu Vifre Unip Lda ho Rivaldivio Unip Lda kontratu valor orsamentu US$ 505,645.60 progresu fiziku akumuladu 8,58%.
Uniku kompanhia lokal Ruvic Construction Unipesoal Lda neebe Governu kontratu iha tinan 2016 responsabiliza estrada Munisipal Fatulia-Uaimori km 10.300 metrus ho valor orsamentu US$ 4,897,636.09 progresu fiziku akumuladu nafatin 31,11%, tanba abandona projetu iha tinan hirak liu ba.
Projetu reabilita estrada Munisipal Laga-Baguia neebe responsabiliza husi kompanhia Norinco International Cooperation km 38.030 metrus ho valor orsamentu US$ 21,695,194.98 fiziku 44,55%, Estrada Uaiaka-Kelikai-Ossu km 22.700 metrus ho valor orsamentu US$ 16,547,661.76 progresu fiziku 79,72% enkuantu konstrusaun ponte iha mota Samalari responsabiliza husi kompanhia China MCC 20 Group Corp Ltd ho valor US$ 4,025,624.71 progresu fiziku 0%.
Tuir dadus Tekniku Obras Publikas Destakadu Munisipiu Baukau, projetu estrada pakote 44 nee, projetu linha daruak, kompanhia lokal Jomarjo Unip Lda responsabiliza reabilita estrada rural Berkoli-Bahamori km 2 ho valor orsamentu US$ 438,463.63 progresu fiziku akumuladu 36,68%.
Rozi Construction Lda Laga-Daelari km 2.300 metrus ho valor US$ 523,603.89 fiziku 66,96% no estrada rural Baguia-Lakuliu-Letemumu-Lelalai too Abulir km 4 responsabiliza husi kompanhia Mexa Unip Lda ho valor US$ 416,498.60 fiziku 81,06% no Jatono Unip Lda ho valor US$ 382,769.27 fiziku 46,21%.
Kompanhia Nautetu Fatima Unip Lda responsabiliza estrada rural pakote rua km 3.250 metrus iha Sagadate Beliwali ho valor US$ 455,236.93 fiziku 34,51% no Daelari-Sahaguia km 2.300 metrus ho valor US$ 436,794.48 fiziku 26,02%.
Estrada rural Abuti Serebu’u km 8.500 metrus responsabiliza kompanhia lokal rua mak hanesan, Rozi Unipesoal Lda ho valor US$ 469,447.40 fiziku 28,98%, Lamegua Star Unip Lda, pakote primeiru ho valor US$ 444,846.55 fiziku 10.07% no pakote daruak ho valor US$ 425,475.31 fiziku 14,64%.
Projetu manutensaun estrada rural Baguia-Larisula km 12, Samalari-Sorugua km 2.800 metrus, Terloidae-Saelari-Binagua km 3.600 metrus no Dailari-Boleha km 8.500 metrus responsabiliza husi kompanhia lokal Juga Te Figa Unipesoal Lda ho valor US$ 272,285.28 fiziku 31,65%.
Manutensaun estrada rutina responsabiliza husi kompanhia Roman Grigio Unipesoal Lda ho valor US$ 600,000.00 fiziku akumuladu 28,39% neebe implementa iha estrada urbana Baukau Vila, maibe dadaun paradu.
Reabilitasaun pasadeira iha mota Lakamutu Alaua Kraik responsabiliza husi kompanhia Sunnines Unipesoal Lda distansia metru 055 ho valor orsamentu US$ 47,516.61 progresu fiziku akumuladu 100%. Manutensaun estrada rural Laisorulai km 5 responsabiliza husi Lalaisi Unip Lda ho valor US$ 157,601.26 fiziku 86.40%.
Manutensaun estrada rural Baguia-Larisula km 12.900 metrus responsabiliza husi kompanhia Lamegua Star Unip Lda ho valor US$ 255,148.17 fiziku 100%, manutensaun estrada rural Vemasi-Kaikua-Ossoala km 21.600 metrus responsabiliza kompanhia Chachailala Unip Lda ho valor US$ 242,001.57 fiziku 73%. Seksaun manutensaun estrada Laga-Baguia km 37.588 metrus responsabiliza husi kompanhia Uatos Unipesoal Lda ho valor US$ 179,299.95 fiziku 70%.
Tuir dadus Tekniku Obras Publikas Destakadu Munisipiu Baukau, projetu estrada pakote 44 nee, projetu linha datoluk projetu konstrusaun moru protesaun mota Venilale Bahamori responsabiliza husi kompanhia Makasae Construction Unipesoal Lda distansia metru 301 kompostu pakote rua, pakote dahuluk ho valor orsamentu US$ 298,145.79 no pakote daruak US$ 155,927.57 fiziku 100%.
Konstrusaun moru protesaun mota Vemasi metrus 600 responsabiliza husi kompanhia Mapetil Unipesoal Lda ho valor US$ 406,282.53 fiziku 0%, projetu emerjensia konstrusaun Gabion iha Seisal metrus 323 responsabiliza husi kompanhia Celge Galcia Unipesoal Lda ho valor US$ 277,331.95 fiziku 89,26% no konstrusaun moru protesaun mota Buibau metrus 530 responsabiliza husi kompanhia Nagardjo Unipesoal Lda ho valor orsamentu US$ 775,044.39 progresu fiziku akumuladu fulan Maiu nee sei 0%.
“Progresu balun lao diak, projetu balun lao lentu, tanba balun paradu pedidu hapara kontratu ita submete tiha ona, maibe depende fila fali ba Ministeriu, tanba ami nia dever iha nee halo supervizaun no monitorizasaun deit,” Katak Diego.
Tuir Koordenador Tekniku Destakadu Munisipiu Baukau nee hateten, impaktu ba projetu sira neebe too ohin loron seidauk finaliza, kauza husi fator tolu, mak hanesan kompanhia emprega trabalhadores menus, kompanhia menus ekipamentus, mobilizasaun, maibe kompanhia sira argumentu impaktu ba projetu mak fator sosial, klaru fator sosial sempre akontese, maibe prezisa kompanhia sira hadia mak sistema servisu.
Tanba daudaun akontese implika ba projetu sira neebe la termina tuir kontratu, maioria kompanhia manan projetu rua ho terenu servisu diferente, nee impaktu boot, tanba difisil Kompanhia halo mobilizasaun pezadus, bainhira kompanhia pezadu limitadu.
Nunee Koordenador Tekniku Destakadu Munisipiu Baukau nee husu Ministeriu Obras Publikas Nasional kria regras ba kompanhia sira neebe manan ona projetu no implementasaun servisu lentu tenke fo sasaun, tanba durante nee kompanhia barak halimar servisu iha terenu la finaliza projetu tuir kontratu neebe selebra.
(tom)
