DILI, STLTIMORLESTE.com – Estudantes primeiru ano husi Ensinu Baziku Filial (EBF) Fatumeta kuaze 100 resin seidauk iha kaderneta eskolar.
“Kona-ba kaderneta nee ami halo ona karta ba iha sentru, depois husi sentru ba iha munisipiu, maibe too agora seidauk haruka kaderneta mai iha ami nian eskola, ami hein deit, maibe ami kontaktu beibeik, tanba resposta mak kaderneta seidauk iha, la hatene kaderneta iha nasional nee iha ka lae, tanba too oras nee kaderneta seidauk too iha ami nian liman, pedidu nee ami husu tuir kaderneta bazeia ba estudantes primeiru ano neebe mak iha,” kestaun nee hatoo husi Koordenador Ensinu Baziku Filial (EBF) Fatumeta, Jose Manuel Pires ba jornalista STL iha nia knaar fatin Fatumeta, Sesta nee (27/06/2025).
Nia dehan, estudantes primeiru ano nee kuaze besik 200, entaun kaderneta mos sira husu tenke liu oituan, sira nian estudantes primeiru ano deit mak laiha kaderneta eskolar, estudantes segundu ano iha ona kaderneta.
“Ita tenke alerta kedas husi primeiru ano, atu nunee ba oin nee sira iha ona kaderneta profesores sira hein prienxe tuir deit ona sira nian valor, se kuandu primeiru ano mak laiha kaderneta nee ba oin kaderneta laiha nafatin, difikulta profesores da turma sira atu prienxe sira nian valor,” nia informa.
(jac)
