DILI, STLTIMORLESTE.com – Autoridade Protesaun Sivil (APC – siglaportuguês) selebra aniversáriu ba dala III, hodi servi povu no nasaun nee ba oin diak liu tan.
Nia dehan, parabéns ba selebrasaun Aniversariu APC ba dala III, hanesan instituisaun Governu nian neebe harii tinan 3 ona, APC iha ninia prezensa tuir situasaun natureza maka servisu publiku neebe maka iha.
Nia tenik, Intutisaun APC iha misaun planea no koordena nomos ezekuta polítika liu-liu prevensaun asidente grave, prevensaun. Sekuru ba komunidade sira nee ida nee atividade Governu nian.
“Komemorasaun aniversáriu tinan ida nee ho tema “Hamutuk iha Asaun Hodi Proteje Ema Hotu Lao ho Diskriminasaun”, nee hatudu katak ita sempre prontu iha situasan no kondisaun saida deit hodi sata no fo tulun se deit vitima iha asidente no dezastre naturál nian,” hatete Prezidente APC, Jesuino da Reis Matos Carvalho ba jornalista sira iha APC Kaikoli Dili, Segunda (30/06/2025).
Nia esplika, Autoridade Protesaun Civil instutisaun foun nee foin harii, ligasaun di’ak ho Ministériu Solidariedade Sosial no Inkluzaun (MSSI) hodi mai hamutuk iha APC iha diresaun Nasionál Bumbeiros.
Nia informa, orglhu tebes ba IX Governu Konstitusionál neebe delega ona membru Governu nain 2 Ministru Interior (MI), Francisco da Costa Guterres no Sekretariu Estadu Protesaun Sivil (SEPS), Domingos Mariano Reis neebe durante nee dirije fo orientasaun masimu ho matenek tebes ba servisu atendimentu publiku nomos seguransa nasional, laos deit PNTL no Imigrasaun liu-liu ba APC rasik.
“Iha kapasidade no rekursu neebe ami iha, ami mos prontu atu fo atendimentu masimu iha kada Instutisaun no prontu iha kualker tempu atu servi no proteje, liu-liu iha APC,” nia deklara.
Nia koalia, iha area modernu ida agora tuir estratejia, IX Governu Konstitusionál nian neebe tuir planu dezenvolvimentu estratejiku nasional katak, tinan ida nee hanesan tinan implementasaun nian. Tanba nee haree ba dezenvolvimentu neebe iha no haree mo’s ba mudansa klimatika no perigu naturál oin-oin neebe mai husi naturaza komunidade rasik fo atensaun no impaktu ba mundu no ba nasaun TL.
“Nunee APC hanesan instituisaun ida neebe mak sei koordena no ita sei implementa polítika sira, liu-liu kona-ba APC nian neebe asuntu servisu emerjénsia no jestaun risku dezastre naturál nomos servisu operesional no seluk tan,” nia hatutan.
Iha fatin hanesan, Sekretariu Estadu Protesaun Sivil (SEPS), Domingos Mariano Reis informa, APC sei la lao mesak, hamutuk ho parseiru sira nomos instutisaun sira seluk hodi servi ba povu no nasaun ida nee di’ak liu tan.
“Prezidente APC ita boot nia lideransa neebe kualidade tebes, hodi bele jere ita nia rekursu hotu-hotu, hanesan rekursu finanseiru, rekurus umanu, rekursu fasilidade neebe preparasaun diak no resposta nomos rekooperasaun ita nia sidadaun. Sira neebe sai vitima ba dezastre naturál iha TL,” nia deklara.
Nia dehan, ohin ba ohin liderasan APC hotu-hotu responsabilidade servisu nee ho diak liu tan ba dezastre naturál nian iha pais ida nee.
“Diretór Munisipal no Xefe Departamentu sira, Xefe Seksaun ita boot sira ita boot sira nia lideransa neebe diak, bele jere ita nia rekursu sira durante tinan rua, ha’u nia mandatu, ita boot sira iha kapasidade neebe diak tebes parabes ba ita boot sira nian servisu,” nia afirma.
(jen)
