DILI, STLTIMORLESTE.com – Komisaun Nasional Juventude Katolika Timor Leste (CNJCTL – siglaportuguês) hatete, Kruz Joven Internasional sei vizita Timor Leste iha loron 23-30 Agostu 2025.
Prezidente Ezekutivu CNJCTL no Koordenador Jeral Ekipa Sinodal, Padre Francisco Indra Nascimento Tey Seran hatete, CNJCTL mak orgaun ofisial ida husi Conferensia Episcopal Timorcase (CET) neebé halo knaar nuudar responsável ba assuntu pastoral foinsae katolika nian iha kreda Timor.
“Tinan 2025 hanesan tinan Jubileu ordinariu ida no maktoban Santu Padre Francisco foti hanesan tinan Jubileiu esperansa ho bulla “Spes Non Confundit” ka Esperansa la bosok, tinan ida ne’e sai mos tinan grasa ba kreda Timor liu-liu ba foinsa’e Katolika sira, iha neebé kreda Timor sei hetan vizita husi Kruz Joven Internasional ka Icon Cruz Jornada Mundial Juventude nian, ho tema “Aten barani ba, Ha’u manan ona Mundu” (Jo.16.33),” hatete Prezidente Ezekutivu CNJCTL no Koordenador Jeral Ekipa Sinodal, Padre Francisco Indra do Nascimento Tey Seran liu husi konferensia imprensa iha Salaun Arkedioseze Dili, Segunda nee (30/06/2025).
CET fo konfiansa ba CNJCTL hodi sai nuudar responsavel masimu iha vizita Kruz Joven Internasional iha kreda Timor, CNJCTL organiza hodi forma ona ekipa trabalhu neebe hanaran Ekipa SINODAL hodi envolve foinsa’e sira husi Comissio Diocesana, Movimentu Juvenil Katolika no Universitariu sira hodi bele halo preparasaun ba eventu refere.
Pe. Francisco hatete, tinan ne’e mos kreda Timor sei selebra festa fiar foinsa’e sira nian neebe hanaran Jornada Nasional Juventude habadak ba JNJ ho Icon Kruz Joven neebe sei realiza iha Dioseze Maliana, Parokia Bobonaro, ho tema “Hau Hambrok” (Jo.19:28).
Tanba nee liu husi vizita Kruz Joven Internasional iha kreda Timor no Jornada Nasional Juventude (IND), Ekipa Sinodal halo ona ajustamentu ba programa boot rua nee, nunee CNJCTL liu husi Ekipa Sinodal hakarak informa ba publiku sarani tomak kreda Timor nian katak , vizitasaun Kruz Joven internasional, estadia iha kreda Timor durante semana ida, hahu husi loron 23 ate 30 Agostu 2025, Jornada Nasional Juventude (JNJ) realiza iha Dioseze Maliana, Parokia Bobonaro iha loron 26 ate 29 de Agostu 2025.
Relasiona ho vizita Kruz Joven Internasional ho programa mak hanesan tuir mai nee, iha loron 23 Agostu 2025 bemvindu Kruz Joven Internasional iha kreda Timor vigilia, iha se Katedral, esposizaun promosaun vokasional.
Iha loron 24 Agostu 2025 misa hamutuk ho sarani iha Katedral kontinua vigilia iha kalan, espozisaun promosaun vokasional, iha loron 25 Agostu 2025 pregrinasaun Dioseze Maliana hamutuk ho peregrinos Dioseze Baukau no Arkedioseze Dili, misa hamutuk Dioseze Maliana iha pro Katedral Maliana, Vigilia husi sarani sira.
Iha loron 26 Agostu 2025, Peregrinasaun ho Kruz Internasional ba Parakia Bobonaro, Misa Abertura Jornada Nasional Juventude, iha loron 27 Agustu 2025 Palestra tema. “Hau Hamrok” no partila Kruz Joven Internasional husi Komisaun Korea, katekista, Orasaun Taize no Sakramentu Konfensa. Iha loron 28 Agustu 2025 Asaun Karidade ba Sarani Parokia Bobonaro, Palestra husi MJDAC, Imput husi Joven Internasional husi Malayzia, Viasakra no bensaun santisimu, Konsertu “Joven Barulhu”, iha loron 29 Agostu 2025 Misa Missaun, Kultura rua hasoru malu “Bobonaro no Remexio” hodi entrega kruz joven, Peregrinasaun sira fila hikas mai Dili, kruz Joven Internasional hatur iha Katedral, kruz joven nasional liu ba Remexio.
Iha loron 30 Agostu 2025 Misa enseramentu ho Kruz Internasional iha se Katedral, Prosisaun ba Aerportu hodi ba iha Thailand.
“Sarani tomak kreda Timor nian, husi tasi feto too tasi mane, husi Lorosae too iha Loromonu, husi parte uma kreda no parte governu nian, mai ita lao hamutuk hodi halo susesu ba eventu fiar nian, hodi lori sarani sira, liu-liu foin sae sira hodi hametin liu tan fiar nuudar sarani katolika husi eventu boot nee. Kristu Moris no nia hakarak ita moris,” hatete Pe. Francisco.
(joa)
