DILI, STLTIMORLESTE.com – Prezidente Konselhu Ministru (PCM – sigla português), Agio Pereira relata atividade neebe halao iha Governu ba Prezidente Republika (PR), Jose Ramos Horta.
Bainhira remata hasoru malu, Prezidente Republika Jose Ramos Horta ba jornalista sira iha kantina matak Palasiu Prezidensial Nikolao Lobato, Bairo Pite, Tersa nee (01/07/2025) hatete, baibain Prezidente sempre koalia ho membru Governu hotu inklui mos Primeiru Ministru Kay Rala Xanana Gusmão hodi rona atividade hotu neebe mak halo.
“Hau sempre buka koalia ho membru Governu sira Maun Xanana Primeiru Ministru hatene, konkorda dala ruma hau koalia ho Ministru Obras Publika ho MSSI no Ministeriu Negosiu Estranjeiru so para sira update ba hau prorgresu ezekusaun orsamentu no programa sira fahe mos sira nia ideia ruma no seluk tan,” dehan PR Horta.
PR hatete, buat balun koalia ho Primeiru Ministru Kay Rala Xanana Gusmão hodu foloup hodi entrega ba Prezidente Konselhu Ministru para haree.
Ezemplu USA taka tiha programa iha Timor, taka iha mundu tomak, programa USA nia ke ezekuta ho balun ho Governu balun ho NGO sira hanesan Care Internasional programa balun diak Timor oan balun lubuk ida servisu ho USA sira mak implementa hanesan Care lakon servisu no programa sira nee fulan Agostu difinitivu orsamentu USA nia para ona, ema sira neebe ezekuta nee maioria Timorense sira matenek hatudu esperiensia no programa sira nee diak.
“Entaun hau hatete Governu haree took, se Governu bele simu programa sira nee Governu mak kontinua pelumenus too fulan Dezembru depois 2026 ba oin bele karik se Governu konkorda programa neebe uluk too ohin USA mak finansia muda ba Ministeriu relevante mak kontinua ida nee ho Timor oan sira neebe servisu ho Embaixada USA ho ONG International sira aprende tinan lubuk ida nia laran sira sai kompetente los iha lingua ingleza ezekuta programa ita labele lakon ema joven sira nee, sira Timor oan iha estudu no esperiensia,” katak PR Horta.
PR dehan, dala barak hatete beibeik katak laiha rekursu umanu maibe agora Timor oan lubuk ida neebe mak servisu ho ONG International sira neebe mak iha esperiensia presiza aproveita.
(eme)
