DILI, STLTIMORLESTE.com – Komando FALINTIL–Forsa Defeza Timor Leste (F–FDTL) hamutuk ho Ministériu Defeza (MD) realiza serimonia isar Bandeira Nasionál bá semana dahuluk iha fulan Julhu tinan 2025 iha Kuartel Jenerál Fatuhada, Dili.
Membru F-FDTL hamutuk ho funsionáriu husi Ministériu Defeza (MD) ohin realiza Isar Bandeira Nasionál bá semana dahuluk fulan Julhu tinan ida nee.
Depois iha Serimónia nee Xefe Estadu Maiór F-FDTL, Brigadeiro Jenéral, José da Costa Soares “TRIX” hanesan inspetór ba serimónia hasae Bandeira Nasional hamutuk membru F-FDTL nomos Funsionáriu MD nian.
“Ita tama ba fulan Julhu baibain ita hatete iha fulan Julhu ba oin mak ita refleta saida mak ita halo tiha ona iha tempu ikus ba Primeiru Semestre,” hatete Xefe Estadu Maiór F-FDTL, Brigadeiro Jenéral, José da Costa Soares “TRIX” liu husi nia deskuru wainhira inspetór ba serimónia hasae Bandeira Nasional iha Kuartel Jeneral F-FDTL Fatuhada, Dili, Segunda (07/07/2025).
Nia dehan, atividade saida, programa saida mak hahu hodi implementa bá tinan ida nee, partikularmente ba atividade idak-idak ninia.
“Ita hahu ita nia servisu loron-loron nian tantu iha tekniku operasionál, tantu iha administrasaun no iha neebe deit no loron no fulan Agostu mak loron importante tebes ba ita hotu, laos deit ba FALINTIL maibe ba ita hotu F-FDTL tantu Ministériu Defeza ho Instituisaun sira seluk,” nia esplika.
Nia husu ba Ministériu Defeza ho Instituisaun F-FDTL kontinua servisu hamutuk nafatin hodi halo preparasaun masimu ba iha loron FALINTIL 20 Agosto nian.
Iha fatin hanesan, fontes konfirmadu membru F-FDTL informa, Funsionáriu husi MD nomos membru F-FDTL sira ohin realiza isar Bandeira Nasionál ba semana dahuluk fulan Julhu tinan ida nee.
“Xefe Estadu Maiór F-FDTL, Brigadeiro Jenéral, José da Costa Soares “TRIX” hanesan inspetór ba serimónia hasae Bandeira Nasional nee lao diak too remata,” nia afirma.
(jen)
