DILI, STLTIMORLESTE.com – Komunidade neebe hela iha Eskola 10 Dezembru Komoro hetan ona Karta notifikasaun, tanba nee aban loron 9 Julhu 2025, sira tenke hamamuk fatin areador eskola refere.
Cesarina Correia Guterres nuudar Superintendente Edukasaun Munisipiu Dili hatoo kestaun nee ba jornalista sira iha Hotel Novo Turizmu Bidau, Tersa nee (08/07/2025).
“Eskola 10 Dezembru Komoro sira simu ona notifikasaun, aban nee sira tenke husik hela fatin neeba, husik mamuk fatin iha areador Eskola 10 Dezembru Komoro, depois Eskola EBC Bidau Akadiru-hun, iha fulan Junhu foin daudaun nee ba enkontru ona ho sira, depois ita nafatin halo identifikasaun ba eskola sira hanesan Sergio Viera de Melo no eskola sira seluk tan,” dehan nia.
Nia hatutan, kona-ba too ohin loron total eskola hira mak komunidade okupa iha Munisipiu Dili, se bele dadus nee husu direita ba iha Diretor Edukasaun Munisipiu Dili ninia, tanba nee husu media bele konfirma asuntu nee ho Diretor Edukasaun.
(jac)
