DILI, STLTIMORLESTE.com – Prezidente Republika (PR), Jose Ramos Horta hatete, informasaun neebe mak hatete katak Governu entrega ona lista membru Governu neebe atu halo remodelasaun, ida nee informasaun lalos, atu halo remodelasaun ka lae? nee kompetensia Primeiru Ministru (PM).
Prezidente Republika Jose Ramos Horta hatoo kestaun nee ba jornalista sira bainhira remata halo abertura konferensia Internasional Sidade amiga Australia ho Timor Leste iha salaun MNEK, Kinta (10/07/2025).
Prezidente Republika hatete, maske hasoru malu ho Primeiru Ministru Kay Rala Xanana Gusmão nomos Ministru Agio Pereira maibe la koalia asuntu kona-ba remodelasaun, maibe koalia asuntu seluk.
Iha imformasaun katak foin lalais Prezidente halo enkontru ho Ministru Agio Pereira nee simu ona lista membru Governu neebe atu halo remodelasaun, informasaun nee los ka lae? Hatan ba kesraun nee Prezidente Republika hatete, se mak hatete ida nee lae? Mezmu hasoru Primeiru Ministru mos la koalia remodelasaun, Ministru Agio mos la koalia, maibe koalia asuntu seluk lubuk ida laos kona-ba remodelasaun.
“Koalia kona-ba seguransa, politika Internasional kona-ba remodelasaun iha ka laiha Primeiru Ministru nunka koalia ba ida nee, Primeiru Ministru mak hatene,” katak Prezidente Republika Jose Ramos Horta.
Prezidente Republika Jose Ramos Horta hatete, atu halo remodelasaun ka lae? Nee Primeiru Ministru Kay Rala Xanana Gusmão mak hatene no iha nia mandatu.
“Nee Primeiru Ministru mak hatene iha nia mandatu, satisfasaun lao daudaun hanesan hau haree populasaun agora kontente liu fali ona, tanba atividade infraestrutura barak los Governu selu kompensasaun ba uma neebe estraga, kuaze ema hotu-hotu simu ona kompensasaun dezenvolvimentu boot sei akontese mos iha Tasi-Tolu nomos husi tasi ibun Portu Dili too Kristu Rei neeba,” dehan PR Horta.
Prezidente Republika hatete, oras nee daudaun dezenvolvimentu iha Timor Leste mos lao makaas ona iha rai laran, no povu sira mos kontente tanba uma neebe sobu husi Governu hodi halo dezenvolvimentu oras nee Governu fo ona kompensasaun, tanba nee mak atu halo remodelasaun ka lae? Nee Kompetensia Primeiru Ministru.
“Primeiru Ministru mak hatene mak halo remodelasaun, lakohi halo mos nia mak hatene,” dehan Prezidente Republika.
Prezidente Republika hatete, nia laiha kompetensia atu halo remodelasaun ema neebe mak iha kompetensia mak Primeiru Ministru Kay Rala Xanana Gusmão, tanba nia mak servisu hamutuk ho membru Governu no hatene diak servisu membru Governu sira.
Aleinde nee jornalista mos konfirma ho Primeiru Ministru Kay Rala Xanana Gusmão katak oras nee nesesariu ona ka lae Primeiru Ministru halo avaliasaun ba servisu membru Governu, dala barak jornalista lao ba mai haree Governu nia servisu tanba nee halo tiha avaliasaun mak entrega ba PM para ba hasai tiha hotu.
Maibe antes nee Primeiru Ministru rasik mak deklara katak sei halo remodelasaun ba membru Governu maibe ohin loron seidauk akontese? Hatan ba kestaun nee Primeiru Ministru hatete, “kada fulan ida hau ba hasai hau ba hatama fulan seluk fali hau hasai hau hatama buat nee nunee fulan-fulan ita hasai ita hatama,” hakotu PM.
(eme)
