DILI, STLTIMORLESTE.com – Polisia Nasionál Timor Leste (PNTL) asegura no halo identifikasaun ba sidadaun estranjeiru nain rua (mane no feto) neebe halo agresaun fízika hasoru membru PNTL husi seksaun Tránzitu Seguransa Rodoviaria Komando Munisípiu Dili ho inisial AP.
“Foin daudaun ita nia memnbru husi tránzitu halao sira nia servisu iha Ponte Komoro, depois mai sidadaun estranjeiru balun neebe liu ba, tanba telefone entaun membru tránzitu nee hapara fo avizu para konduz hela transporte labele uza telefone, maibe sidadaun estranjeiru ida nee kontrola hasoru ita nia membru PNTL, tebe ita nia membru PNTL husi oin lulik,” hatete Komandante Munisípiu Díli, Superintendente Xefe Polísia, Orlando Gomes ba jornalista sira iha Eskuadra Dom Aleixo, Sesta nee (11/07/2025).
Nia dehan, hahu tebe tiha, sidadaun estranjeiru nee mos rasta tan membru tránzitu nee hodi rezulta liman hetan kanek no raan sulin, tan nee membru PNTL keixa ba Komando Eskuadra Dom Aleixo hodi halo prosesu tuir dalan legál ba Ministériu Públiku, tanba komete krimi Obstrusaun de Autoridade.
“Ita halo identifikasaun hodi haree kazu nee no halo detensaun ba sidadaun nain rua nee,” nia esplika.
Entretantu, kazu nee akontese iha Ponte Komoro, iha loron Sesta nee (11/07/2025), maizumenus tuku 09:00 dader.
(jen)
One Response
Deporta tiha ba Sira Nia rain. Bandidos hanesan ne’e labele admite Hela iha Ita Nia rain.