DILI, STLTIMORLESTE.com – Aban, 14 Julhu 2025, estudantes husi Ensinu Baziku Sentral (EBC – sigla português) Manleuana hamutuk 700 sei partisipa iha ezame II periodu.
Lia hirak nee hatoo husi Diretor EBC Manleuana, Carlos Correia ba jornalista STL iha nia knaar fatin, Domingu nee (13/07/2025).
“Ami nian estudantes hamutuk 700 sei partisipa iha ezame segundu periodu neebe sei halao aban. Nuudar Diretor eskola ami nian preparasaun kona-ba ezame nee, agora daudaun ami prepara ona, maibe atu hetan valor neebe mak diak husi ezame nee, hau hanoin nee depende fali ba esforsu husi ita nian estudantes sira,” dehan nia.
Carlos esplika, ezame sei halao Segunda too Sabadu, pontus ezame prepara hotu tiha ona, no estudantes sira sei partisipa ezame loron dahuluk iha Segunda, no estudantes sira mak tenke esforsu aan estuda.
“Atu hetan valor neebe diak iha ezame II periodu ninia nee fila-fali ba esforsu estudantes idak-idak, oinsa estuda para bele iha preparasaun neebe mak diak no bele hafasil ba sira iha ezame refere,” nia esplika.
(jac)
