DILI, STLTIMORLESTE.com – Prezidente Republika (PR), Jose Ramos Horta too ona iha Portugal simu husi Embaixadora Timor Leste ba Portugal, depois de iha Portugal kontinua viajen ba iha Guinea Bissau hodi lartisipa XV konferensia Xefe Estadu no Xefe Governu.
Tuir imformasaun neebe mak STL asesu husi media Prezidensia Republika iha loron kuarta (16/07/2025) hatete, bainhira Prezidente Republika Jose Ramos Horta ho ekipa too iha Aeroportu Internasional simu direita husi Embaixadora Timor Leste ba Portugal depois kontinua viajen ba iha Guinea Bissau.
“Prezidente Republika Jose Ramos Horta too ona iha Portugal, iha Aeroportu Lisboa, no simu direta husi Embaixadora Timor Leste ba Portugal, Embaixadora Isabel Amaral Gueterres. Hafoin iha Portugal, sei kontinua ba Guine Bissau,” Tuir informasaun neebe pasa husi media Prezidensia Republika.
Prezidente Republika Jose Ramos nia viajen ba iha nasaun Guine bissaun hodi partisipa XV konferensia ba Xefe Estadu no Governu Komunidade País sira Lian Portuges (CPLP) nian. Simeira neebe halao iha prezidensia Jeneral Umaro Sissoco Embalo.
Prezidente Republika Guinea Bissau marka aniversariu CPLP nian ba dala 29 ho sentru iha tema “CPLP no Soberania Alimentar Dalan ida ba Dezenvolvimentu Sustentavel. Líder sira CPLP nian sei diskute dezafiu urjente sira, inklui kooperasaun rejional, seguransa alimentar, no reziliensia ekonomika.
Iha konferensia nee Prezidente Republika Jose Ramos Horta sei partila Timor Leste nia kompromisu ba multilateralizmu, hodi afirma Soberania alimentar laos deit imperativu ekonomiku ida maibe moral ida. Nuudar komunidade ida neebe kesi ho lian no istoria hanesan.
CPLP tenke defende agrikultura sustentavel, fo kbiit ba agrikultor kiik sira, no asegura katak laiha Estadu-membru ida mak husik hela iha kotuk iha ita-nia hakarak hodi atinji ba dezenvolvimentu ekuitativu.
Rezultadu prinsipal sira husi Simeira nee inklui Adosaun Deklarasaun Bissau, reforsa kompromisu CPLP nian ba soberania alimentar no reziliensia klimatika Eleisaun Guinea Bissau nuudar Prezidente Pro Tempore CPLP nian (2025-2027) Aprezentasaun Premiu “Jose Aparecido de Oliveira” ba distintu xefe sira, inklui eis-Prezidente mosambikanu Joaquim Chissano.
(eme)
