DILI, STLTIMORLESTE.com – Estudantes husi Eskola Rainha da Paz hamutuk 14 seidauk halo transferensia ba eskola seluk.
Haktuir Superintendente Edukasaun Munisipiu Dili, Cesarina Correia Guterres ba jornalista STL iha nia knaar fatin Vila Verde, Kinta nee (17/07/2025).
“Atu dehan deit hanesan nee, estudantes 14 nee tuir fontes nee sira seidauk halo transferensia, maibe bele mos konfirma fila fali iha Xefe Departamentu Ensinu, keta ohin ou horiseik halo ona transferensia karik, maibe iha ami sira seidauk halo transferensia, nee tanba saida, fila fali ba estudantes idak-idak, maibe estudantes balun neebe mak antes nee koloka ona ba eskola públiku nee sira partisipa ona iha ezame,” nia afirma.
Nia dehan, tuir dadus neebe mak sira simu, estudantes 14 nee seidauk halo transferensia, maibe keta horiseik ho ohin sira halo ona transferensia. Relasiona ho asuntu ho Eskola Rainha da Paz total estudante husi 1, 2 no 3 Ciclo 62 pesoas, mane 42 no feto 20. Husi total iha leten estudante neebe hetan ona karta tranferensia hamutuk ema 48, nee mai husi mane 30 no feto 18. Estudante neebe seidauk halo transferensia hamutuk 14 mane 12 no feto 2.
“Estudante husi nivel sekundariu total hamutuk 314, nee hetan transferensia hotu ona. Estudante 10 ano total 71 pesoas, CT 31 no CSH 40. Estudante 11 ano total hamutuk 130, CT 70 no CSH 60. Estudante 12 ano total 113, CT 69 no CSH 44. Estudante 12 ano, CT M 35 no F 34 CSH M 34 no F 44.11 Ano CT. M 33 no F 57. CSH M 34 no F 26.10 ano CT 9 no F 22 CSH M 31 no F 9. Seidauk halo transferensia mai husi klase 1 mane 3 feto 5 hamutuk 8. Klase 2 mane 2 feto 2 hamutuk 4, klase 3 mane 1 feto 1 hamutuk 2 klase 4 mane 1 feto 5, klase 5 Ano, M 4 no F 2,” nia esplika.
Entretantu Diretor Eskola Sekundariu FINANTIL, Aniceto Berlelo hatete, estudantes husi Eskola Rainha da Paz hamutuk 50 mak partisipa ona iha ezame segundu periodu ninia no eskola FINANTIL fasilita sira partisipa ezame.
Nunee mos Diretor EBC 1 Dezembru Komoro, Calistro A. Giterres dehan, estudantes husi Rainha da Paz hamutuk 33 mak partisipa ona iha ezame hamutuk ho estudantes husi eskola ida nee.
(jac)
