DILI, STLTIMORLESTE.com – Prezidente Republika (PR), Jose Ramos Horta hatete, ADB halo parseria ho Timor Leste dezde iha tinan 1999.
Prezidente Republika Jose Ramos Horta hatoo lia hirak nee ba jornalista sira bainhira remata vizita ba Guinea Bissau no fila hikas mai iha Timor Leste iha Aeroportu Internasional Nikolao Lobato, Komoro Domingu (20/07/2025).
Prezidente ADB neebe vizita ita, ADB hanesan parseiru ida, tinan 20 resin parseiru Timor Leste, liu-liu prioridade ba ADB sira nia mandatu nuudar Banku Rejional ida iha setor infraestrutura.
Tinan lubuk ida nia laran nee ADB halo emprestimu ka funan badak, nunee halo estrada nasional no entrada rural. Projetu boot mak projetu Aeroportu Internasional Nicolau Lobato, investimentu husi Japaun no Australia.
Hanesan sai tiha ona notísia kontratu asina tiha ona ho konsurtor, nee ADB mak halo estudu viabilidade, estudu tekniku, hamutuk ho apoiu husi Japaun no Australia, purtantu parseiru tolu mak halo projetu boot.
Prezidente Republika, Jose Ramos Horta hatete, Timor Leste halo parseria ho ADB dezde husi tinan 1999-2000 too mai agora.
“ADB parseiru diak ida, parseiru ho Timor Leste dezde 1999-2000 too agora, liu-liu sira nia vokasaun mak nee, sira nia mandatu mak haree prioridade ba Timor infraestrutura. Servisu diak, servisu ho kualidade, estrada, ponte neebe ADB mak kaer, sira mak halo estudu, sira mak kontrola, ita haree kualidade diak,” katak PR Horta.
Prezidente Republika hatete, Estrada sira seluk laos ona sira nia responsabilidade, maibe sira mak haree, sira mak monitora, sira mak inspesaun, sira mak halo estudu estrada sira nee sempre alta kualidade.
Xefe Estadu hatete, dala ruma sira mak selu 100%, dala ruma hanesan imprestimu husi governu Timor Leste maibe nia funan kiik hodi halo dezenvolvimentu iha rai laran.
(eme)
