DILI, STLTIMORLESTE.com – Prezidente Republika (PR), Jose Ramos Horta destaka reziliensia no Vizaun Estratejiku Timor Leste (TL) iha Jantar Konfraternizasaun Jogu Comunidade dos Países de Língua Portuguesa (CPLP) iha CCD.
Bainhira iha serimonia Jantar konfraternizasaun Jogu CPLP neebe halao iha CCD, Sabadu kalan (25/07/2025) Prezidente Republika, Jose Ramos Horta fo benvindu ba atleta no delegadu sira husi XII Jogu CPLP, durante jantar konfraternizasaun.
Iha diskursu, Xefe Estadu selebra relasaun metin neebe liga nasaun sira luzofonu sira no destaka espíritu povu Timor Leste nian neebe mak karakteriza ho reziliensia, kreatividade iha hanoin lalais no ho kontente. Prezidente sublina mos ospitalidade kaloroza neebe karakteriza Timor Leste, neebe hatudu iha forma hanesan nasaun simu nia konvidadu sira.
Prezidente Ramos Horta hatudu orgulhu ba kapasidade neebe Timor Leste hatudu iha organizasaun eventu ho eskala boot. Prezidente fo hanesan ezemplu, vizita husi Sua Santidade Papa Francisco, neebe prosesu lojístika envolve ema liu husi 700,000 no halao laiha fallansu ida iha seguransa, saneamentu no atendementu publiku.
“Esperiensia ida nee afirma, hatudu forsa kompetensia husi instituisaun nasional sira no dedikasaun husi Timor Leste,” katak PR Horta iha nia diskursu.
Prezidente Ramos Horta hatudu orgulhu ba kapasidade neebe Timor Leste hatudu iha organizasaun eventu ho eskala boot.
Prezidente fo hanesan ezemplu, vizita husi Sua Santidade Papa Francisco, neebe prosesu lojístika envolve ema liu husi 700,000 no halao laiha falhansu ida iha seguransa, saneamentu no atendimentu publiku. Esperiensia nee afirma, hatudu forsa kompetensia husi instituisaun nasional sira no dedikasaun husi povu Timor Leste.
Haree ba futuru, Prezidente Ramos.Horta artikula vizaun estratejiku Timor Leste nian hodi sai hanesan ponte krusial ida entre CPLP no Asosiasaun Nasaun sira Sudeste Aziátiku nian (ASEAN), neebe Timor Leste sei adere formalmente iha tinan ida nee.
Prezidente defende atu haburas ligasaun sira neebe klean liu entre rejiaun rua nee, hodi prevee realizasaun enkontru ministerial konjunta hanesan plataforma hodi hametin kooperasaun multilateral.
Prezidente konklui hodi agradese prezensa husi delegasaun sira afirma katak ba atleta sira barak Timor Leste sai hanesan sira nia uma daruak. Sublina katak konvivensia ida nee kontribui atu hametin lasu amizade no solidariedade entre povu luzofonu tomak.
(eme)
