DILI, STLTIMORLESTE.com – Ekipa husi Woodside Energy’s sei halo observasaun direita ba Plata LNG Suai no Natarbora.
Kestaun nee hatoo husi Ezekutivu Visi Prezidente Woodside Enerjia, Julie Fallon ba jornalista sira bainhira remata halo enkontru ho Prezidente Republika José Ramos Horta iha Palasiu Prezidensial Nikolao Lobato, Bairo Pite, Segunda (28/07/2025).
Nia hatete, sira sei ba haree potensia fatin ba suplay base nian, neebe Governu Timor planu atu halo ba, depois ba iha Natarbora ba haree planta LNG nian.
Nia hatete, iha enkontru ho Prezidente Republika oinsa diskute hamutuk kona-ba relasaun industria oil gas nian no mos sei halao vizita ba planta LNG neebe Governu Timor Leste planu sei halo iha Suai no Natarbora.
Iha biban nee Ezekutivu Visi Prezidente, Woodside Enerjia hatoo agradese tebes ba Prezidente Republika nia tempu neebe ohin bele hasoru malu ho ekipa husi woodside enerjia, Prezidente Republika koalia kona-ba relasaun neebe diak, entre Timor Leste ho nasaun vizinhu sira. Aleinde nee halo relasaun diak iha parte industria oil gas nian, liu-liu ba produsaun ONG nian.
“Ami mos sei vizita ida ba iha Kosta Sul iha loron hirak tuir mai nee, ami sei ba iha Suai liu ba Natarbora neebe sai hanesan fatin neebe propoin ona husi Governu Timor atu sai fatin planta LNG nian”, katak Julie.
Nia hatete, sira sei ba haree mos fatin potensial ba suplay Base nia. “Iha Suai hanesan ita boot sira hatene, ami sei ba hare potensia fatin ba suplay base nian, neebe Governu Timor planu atu halo ba, depois ba iha Natarbora ba haree planta LNG nian,” informa Ezekutivu.
Nia haktuir tan katak, ho observasaun nee depois woodside enerjia mos bele komprende diak liu kona-ba aspirasaun sira neebe Governu Timor planu atu halo iha parte Kosta Sul.
Iha biban nee Prezidente Republika José Ramos Horta hatoo benvindu ba ekipa husi Woodside Energy’s, halo enkontru ho PR Horta, iha enkontru nee Prezidente Republika, José Ramos Horta nakloke ba iha diskusaun sira neebe iha.
No Xefe Estadu apoiu makaas tebes ba buat neebe Governu Timor halo daudaun no mos ho diskusaun sira neebe lao hela entre Governu no parte sira neebe envolve iha projetu nee.
Bainhira remata enkontru ho Prezidente Republika José Ramos Horta ekipa foto hamutuk no ikus taka ho entrevista ho jornalista.
(eme)
