DILI, STLTIMORLESTE.com – Embaixador Timor Leste ba Vietname, João Pereira relata progresu neebe nia halo iha vietname ba Prezidente Republika Jose Ramos Horta.
Bainhira remata relata progresu servisu, Embaixador Timor Leste ba Vietname, João Pereira ba jornalista sira iha Palasiu Prezidensial Nikolao Lobato, Bairo Pite, Tersa (29/07/2025) hatete, durante nia Mandatu tinan ida iha Vietname, ho esforsu servisu neebe halo konsege aprova pasaporte diplomatiku no hametin kooperasaun area ekonomia, edukasaun entre Timor Leste ho Vietname.
Embaixador Timor Leste ba Vietname, João Pereira, hafoin simu pose husi Prezidente Republika, Jose Ramos Horta no foin mandatu tinan ida iha Vietname, hatudu ona prestasaun servisu diak ho aprovasaun ba pasaporte diplomatiku no mos pasaporte servisu inklui kooperasaun sira iha area ekonomia no edukasaun entre Timor Leste ho Vietname.
“Depois tinan ida hanesan Embaixador Republika Demokratika Timor Leste ba Vietname, nia tenke mai atualiza servisu ba Prezidente Republika, no aban ho Primeiru Ministru. Nunee ohin enkontru iha ajenda prinsipal lubuk ida mak lori nia mai ohin, ida mak preparasaun vizita Primeiru Ministru Vietname atu mai iha Outubru. Tanba nee mak iha ajenda lubuk ida neebe nia tenke simu orientasaun husi Prezidente Republika, nunee simu resposta atu transmite fila fali ba Governu Vietname,” katak Embaixador.
Aleinde mos aproveita atualiza ba Prezidente Republika, eventu internasionais balun neebe akontese iha Vietname iha tempu barak, bele mos buka Prezidente Republika nia tempu karik bele partisipa iha eventu sira nee, no mos atualizasaun situasaun polítika Vietname nian balun neebe tenke atualiza ba Prezidente Republika.
Embaixador hatete foin daudauk nee Vietname nia reforma governasaun husi nivel nasional too nivel suku, konsege realiza reforma governasaun ida nee iha fulan sanulu, agora sira komesa lansa ona, tenke atualiza ba Prezidente Republika, oinsa Xefe Estadu mos bele apar, no nia bele simu tan orientasaun foun oinsa bele ezekuta servisu mandatu nuudar Embaixador Timor Leste ba Vietname.
“Hau mai atualiza ba Prezidente Republika kona-ba kooperasaun bilaterais sira neebe durante depois tinan ida, hau servisu halo negosiasaun ho Governu Vietname atu bele asina iha tempu badak bele realiza kooperasaun sira nee iha tempu badak,” dehan Embaixador Timor-Leste ba Vietname.
Embaixado dehan, depois nia too iha Vietname, hahu uluk ho kooperasaun iha area akordu bilateral aprova pasaporte diplomatiku no pasaporte servisu entre nasaun rua, neebe ohin loron bele favorese ona funsionariu ho diplomatika sira bele tama iha Vietname seim vistu nee primeiru.
“Agora hau servisu makaas hela atu finaliza tan akordu bilateral entre Timor-Leste kona-ba esensaun vistu ba pasaporte ordinariu,” João Pereira.
Nunee mos bainhira akordu ida nee asina ona país rua signifika Timoroan bele tama Vietname seim vistu ba loron 30, sira mos hela iha Timor durante loron 30 ho vistu turistiku ba pasaporte ordinariu signifika relasaun ema ba ema Vietname Timor Leste nian nee bele hahu lao diak ona, ida nee agora too faze final.
Aleinde nee Primeiru Ministru Vietname vizita mai agora, ida nee atu asina, iha tan mos looperasaun bilateral neebe kuaze finaliza,m iha area Edukasaun. Nunee mos Ministeriu Ensinu Superior Timor-Leste ho Ministeriu Edukasaun Vietname hahu hela negosiasaun ba kooperasaun ida atu fo oportunidade, universidade sira bele servisu hamutuk mos ba estudante Timoroan bele ba aproveitamentu iha Vietname.
Maibe iha mos kooperasaun ho Ministeriu Edukasaun Timor Leste ho Vietname nian oinsa bele ajuda mos dezenvolvimentu setor edukasaun iha Timor Leste.
Nunee mos kooperasaun balun tan iha area ekonomia, iha importasaun foos, kooperasaun iha area protesaun ba investimentu, iha mos kooperasaun ba media, akordu entre Tatoli ho News Ajensia Vietname oinsa iha kooperasaun entre media nasaun rua nian, hirak nee mak agora servisu makaas hela, atu prepara atu realiza.
“Uluk Governu Vietname importante ona foos mai 30 mil toneladas, depois tuir mai iha 20 mil toneladas, desizaun governu agora importa husi Tailandia ho Kamboja, nee mak agora akontese hela,” dehan nia.
(eme)
