DILI, STLTIMORLESTE.com – Prezidente Republika (PR), Jose Ramos Horta hahu vizita trabalhu ba Indonezia atu hametin lasu bilateral no kolaborasaun akademika.
Iha loron Kuarta nee (30/07/2025) Prezidente Republika Jose Ramos Horta halao vizita trabalhu privadu ba Republika Indonezia husi loron 30 too 31 fulan Julhu tinan 2025, ho fokus ba diplomasia akademika, harii dame no reforsa parseria neebe dura entre Timor Leste no Indonezia.
Destake husi Prezidente Ramos Horta nia vizita badak mak nia diskursu xave iha Universidade Gadjah Mada (UGM) iha Yogyakarta, iha neebe nia sei hatoo diskursu ho títulu “Servisu Komunitariu nuudar Fundasaun ba Lideransa Global, hodi inspira estudante no akademiku sira hodi tradus inisiativa sira iha baze ba solusaun eskalavel sira ba ba pas no dezenvolvimentu sustentavel.
Prezidente mos sei envolve ho komunidade akademika no kultural sira Indonezia nian, inklui vizita ida ba Festival Arte UGM nian, hodi sublina kbiit arte nian iha promosaun komprensaun interkultural.
Iha Jakarta, Prezidente Ramos Horta sei halao dialogu estratejiku ho lideransa Indonezia no sei halao diskursu publiku iha Sentru Estudu Estratejiku no Internasional (CSIS), hodi reforsa kompromisu Timor Leste nian ba estabilidade rejional no unidade ASEAN nian.
Vizita nee sublina Timor Leste nia dedikasaun atu habelar kooperasaun bilateral ho Indonezia, koloka UGM nuudar sentru ba dialogu estratejiku no avansa aspirasaun partilhada ba rejiaun ida neebe pasífika no prosperu.
(eme)
