DILI, STLTIMORLESTE.com – Ministra Edukasaun (ME), Dulce de Jesus Soares afirma katak, diploma ensinu baziku no ensinu sekundáriu jerál ne’ebé Ministériu Edukasaun emite iha sistema seguransa, inklui holograma, atu prevene falsifikasaun.
Ministra ne’e hatete, katak, se autoridade sira deskobre kazu falsifikasaun diploma, ema ne’ebé envolve sei sujeitu ba investigasaun tuir prosedimentu legál ne’ebé vigora iha Timor-Leste.
“Ba sira ne’ebé mak iha kazu 30 mai ona iha ME, agora kazu sira ne’e tama ona ba investigasaun iha Inspeksaun Jerál. Ita haruka tuir prosedimentu legál ne’ebé eziste iha ita-nia rai, lalika preokupa, tanba diploma ensinu baziku no sekundáriu jerál iha Timor-Leste iha sistema seguransa atu prevene falsifikasaun,” dehan Ministra Edukasaun, Dulce de Jesus Soares ba jornalista sira iha Sentru Imprensa Comoro, Sesta-feira (16/10/2026).
(jac)
