DILI, STLTIMORLESTE.com – Odamatan Prezidensia Republika (PR) nakloke ba ema hotu, tantu husi sidadaun lokal no internasional, tanba nee kada loron PR simu vizitante oin-oin.
Durante fulan Junhu no fulan Julhu tinan 2025, Palasiu Prezidensial Nicolau Lobato simu vizitante barak, entre ema Timoroan no grupu internasional sira, reforsa papel Prezidensia Republika nian hanesan “Palásiu Nakloke” ba komunidade no diplomasia kultural.
Entre vizitante sira, destaka mos delegasaun barak husi eskola sira hanesan husi Australia, inklui estudante husi Radford College (20 estudante, vizita dala 2), Sunshine Coast Grammar High School (29 estudante) no Tennyson College (25 estudante).
Tuir Komunikadu neebe STL asesu Sesta (01/08/2025) hatete, vizita sira nee parte husi programa edukativu no interkambiu, neebe atu promove konesimentu kona-ba istoria no funsionamentu instituisaun Estadu sira iha Timor Leste.
Unidade EEW husi Australia vizita Palwsiu iha oportunidade tolu la hanesan, ho grupu rua mai ema 3 no grupu seluk mai ema nain 5, hanesan sinal interese neebe kontínua husi organizasaun australianu sira atu fortifika relasaun ho Timor-Leste. Marka mos prezensa iha Palasiu.Dircia Mouzinho ho grupu ema nain 4, Dra. Ana Gomes, no Ornella ho nia família mos partisipa vizita nee.
Alende nee Palasiu mos simu grupu lokall no internasional sira, inklui estudante husi UNTL nain 6, profesor husi Austrália (“Australia knar”) ema nain 4, representante husi grupu Homem Empower, ema nain 6, no grupu RYLA ho partisipante hamutuk nain 35.
Grupu ida husi Ho nia oan sira neebe sempre han iha Kantina Matak” mps hetan oportunidade atu vizita Palasiu iha ambiente inklusivu no partilla.
Iha nivel institusional, vizita konjunta husi Visi Prezidente INATEL no Visi Prezidente Institutu Portugés Desportu no Juventude (IPDJ-sigla portugés) haforsa relasaun kooperasaun entre Timor Leste no Portugal iha area juventude no desportu.
Iha fulan Julhu, Palasiu mos simu Grupu Labarik ajiku, neebe koordena husi representante ida ho labarik 50, atu fo espasu ba atividade edukativu no didaktiku.
Vizita husi turista internasional sira kontinua akontese, inklui Grupu Blue Mountain ho ema nain 6, grupu turista internasional hamutuk nain 12, no turista portugesa ida Cristina Teixeira ho nia oan nain rua.
Vizita sira nee reforsa kompromisu Prezidente Repiblika, Jose Ramos Horta, ba politika Palasiu Abertura, atu aproxima povu ho instituisaun Estadu, no fo impulsu ba troka kulturálal ho parseiru internasional sira.
(eme)
