Misa Nova Frei Manuel de Araujo Nunes da Silva, OFM

DILI, STLTIMORLESTE.com – Familia no sarani Parokia Santo Antonio Motael selebra misa nova ba Frei Manuel de Araujo Nunes da Silva, OFM, iha Igreja Motael.

Frei Manuel de Araujo Nunes da Silva, OFM simu ordenasaun sacerdotal iha 11 Julhu 2025 iha Parokia Santo Paulos Depok Indonezia husi Bispu Aloysius Murwuito, OFM Bispu Dioseze de Agats Papua.

Iha omilia Frei Marciano Almeida Soares, OFM hatete, Pe..Manuel hili moto hodi guia lao hanesan amululik husi oin ba oin dehan katak hau mak bibi atan diak “Eu sou o Bom Pastor”.

“Hau mak bibi atan diak “eu sou o bom pastor” atu dehan Maubisi oan nee hakarak atu banati aprende mestre nazare Jesus Kristu atu sai bibi atan neebe hatene obedese ninia bibi sira, bibi atan neebe nakonu ho domin laran luak no kompaisaun, bibi atan neebe hakarak proteje sakrifika nia aan ba ninia bibi sira ida neebe buka tuir ninia bibi sira neebé lakon,” hatete Frei Marciano Almeida Soares, OFM liu husi nia omilia iha Igreja Motael, Sesta nee (1/08/2025).

Frei Marciano hatete, tinan esperansa nee bele dehan, bibi atan neebe moris nakonu ho esperansa no sai sinal esperansa ba ninia bibi sira.

Iha Evanjelinhu Gaudeum Amu Papa Francisco hatete, bibi atan neebe ain foer nakonu ho tahu, tanba ba haree no buka ninia bibi sira, bibi atan neebé la hela hakmatek no hadomi zona konfrontu deit, maibe bibi atan neebe iis nia bibi sira laos iis parfom husi Jakarta no seluk tan, espera katak sai bibi atan iis bibi sira.

Iha leitura sira fo hatene mai ita vertude sira neebe bibi atan diak ida presiza hamoris primeiru leitura husi livru levitiku hatete katak sakrifisiu ksolok nian neebe unifika, no nailulik neebe halibur nia povu sira atu hasae sakrifisiu ksolok nia ba Maromak, tanba nee Leviriku hakarak apela ba nailulik sira prezensa atu unifika laos atu hafahe hamutuk ho nia ema sira atu haklaken no hasae sakrifisiu ksolok nian, laos sakrifisiu triste nian.

Frei Manuel de Araujo Nunes da Silva, OFM hatete, ho fuan neebé klean hakarak agradese Amu Paroku, Padre Guilhermino da Silva ho neon tomak prosesu preparasaun ba misa nova ida nee, Amu loke odamatan hodi simu sira hotu ho diak, Obrigadu Amu ba ita nia domin laran luak hanorin hau atu hatene halo diak nee importante iha moris, hau agradese ba familia Maubisi no Cacaulido sira imi mak hau moris husi imi mak halo hatene fo bom dia, hatene agradese, husi imi hase wainhira hau hakat sala, husi imi nia motivasaun orasaun sira hotu mak ohin loron bele hamriik iha altar santu ida nee, hau bele dehan husi imi lori hau mai altar santu nee sai nailulik ba imi obrigadu boot familia Cacaulido,” hatete Frei Manuel.

Frei Manuel de Araujo Nunes da Silva, OFM moris iha Cacaulidu, Dili, iha loron 3 Setembru 1988, oan husi Pai Mariano da Silva no Mae Maria de Jesus Nunes.

(joa)