DILI, STLTIMORLESTE.com – Eskola Nobel da Paz sei haruka lista finalista sekundariu no Ensinu Baziku hamutuk 900 resin ba Servisu Edukasaun Munisipiu (SEM) Dili.
Jeremias P. de Jesus hanesan fundador eskola Nobel da paz hatoo kestaun nee ba jornalista STL iha nia knaar fatin, Segunda nee (04/08/2025).
“Ami nian lista finalista nee ami prepara hela, bainhira husi edukasaun kontaktu ona ami nee ami bele submete ona lista finalista sira husi Ensinu Sekundariu no Ensinu Baziku ba iha parte Ministeriu Edukasaun (ME) liu husi Servisu Edukasaun Munisipiu Dili, tanba nee ami nian estudantes finalista husi Ensinu Sekundariu no Ensinu Baziku hamutuk 900 resin, nee lista provizoriu, tanba ida nee mak foin daudaun partisipa iha ezame segundu periodu,” katak nia.
Jeremias dehan, husi parte eskola prepara ona lista finalista husi eskola Nobel da Paz, kompostu husi Ensinu Sekundariu no Ensinu Baziku, lista nee haruka ba iha SEM Dili, depois mak husi SEM haruka fali ba iha Ministeriu Edukasaun Nasional.
“Ita nian estudantes finalista sira nee sempre ativu iha eskola, tanba iha tempu besik sira sei partisipa iha ezame nasional, nunee ita husu sira oinsa sira tenke ativu kada loron iha sala de aula,” nia dehan.
(jac)
