DILI, STLTIMORLESTE.com – Eskola Sekundáriu Téknika Vokasional ba Indústria no Teknólojia (ESTV-IT) 28 Novembru Bekora, Díli, submete ona relatoriu konsesaun eskolar ba servisu Edukasaun Munisipiu Dili.
Haktuir Tomas Pinto nuudar Eskola Sekundáriu Téknika Vokasional ba Indústria no Teknólojia (ESTV-IT) 28 Novembru Bekora, Díli, ba jornalista STL iha nia knaar fatin Bekora, Tersa nee (05/08/2025).
“Hau lori hela relatóriu konsensaun eskolar nian mai iha SEM Dili nia. Total estudantes hamutuk 409 pessoas, 409 x 2 dolares kada estudante x 11 meses, no ami ezekuta ona 100% husi 50% neebe ami foti nee hodi utuliza ba nesesidade importansia hanesan ekipamentus no materiais estudantes no konstrusaun pequenas, liu-liu responde ba laboratorium sempre hetan inundasaun bainhira udan monu rai,” nia esplika.
Tomas haktuir, konsesaun nee sira hadia odamatan no janela eskola hola quadro white board no monta trepash eletricidade hodi nune’e responde ba maquina arte Grafica ao mezmu tempu ajuda estudantes eletrisidade hodi bele pratika ofisina relasiona ho trepash,nee duni relatoriu submete tiha ona.
Iha fatin seluk, Luisa Amelia Florindo Reis hanesan Xefe Gabinete Apoiu Tekniku (GAT) iha ensinu baziku central (EBC) Manleuana dehan, osan ida nee ezekuta tuir nesesidade eskola nian, nee mak hanesan ba iha material alunu ba profesor sira, saneamentu, nee duni ba ezekusaun nee eskola jere tuir planu neebe hatama tiha ona ba iha edukasaun. Konsesaun nee kada estudantes hetan dolar rua, maibe eskola hetan uluk mak fulan tolu ninia.
“Tinan ida nee EBC Manleuana hamutuk ho ninia filial sira foti ona osan konsesaun hamutuk 19.674, neebe ninia ezekusaun ba konsesaun ida nee ba fulan tolu nian, Janeiru, Fevereiru no Marsu, tanba nee ba fulan tolu nian, neebe atu dehan deit katak ezekusaun ba konsesaun eskolar hotu ona, agora ami prepara hela relatoriu atu submete ba iha Edukasaun Munisipiu Dili,” katak nia.
(jac)
