DILI, STLTIMORLESTE.com – Ministeriu Solidariedade Sosial no Inkluzaun (MSSI) aprezenta planu no proposta Orsamentu Jeral Estadu tinan 2026 ba Komite Revizaun Orsamentu (KRO), maibe orsamentu nee KRO sei tetu hodi hetan aprovasaun.
Komite Revizaun Orsamentu (KRO) nee lidera husi Primeiru Ministru Kay Rala Xanana Gusmao.
Ministra Solidariedade Sosial no Inkluzaun (MSSI), Veronica das Dores hatete , iha aprezentasaun tetu orsamentu nee sei prosesu, seidauk hetan aprovasaun final, tanba sei halo diskusaun nee ba ministeriu hotu-hotu, laos ba MSSI, tanba KRO sei halo diskusaun hamutuk mak foin hetan aprovasaun, tanba nee ohin seidauk.
“OJE tinan 2026, MSSI propoin orsamentu total US$ 28 milhões no ami hakarak osan adisional US$ 8 milhões, maibe seidauk hetan aprovasaun,” hatete Ministra Solidariedade Sosial no Inkluzaun, Veronica das Dores iha Salaun Ministeriu Finansas, Aitarak Laran, Kuarta nee (6/8/2025).
Nia dehan, MSSI husu tan osan adisional, tanba servisu MSSI nian barak.
Iha aprezentasaun KRO, MSSI hatoo rua funsiomentu institusional nomos inkluzaun sosial.
(joa)
