DILI, STLTIMORLESTE.com – Durante nee Guarda Prizional balu preokupa kona-ba Estatutu Guarda Prizional nian, tanba nee Ministru Justisa deklara katak, estatutu Guarda Prizional tama ona iha Konselu Ministru.
Tuir Ministru Justisa, Sergio Hornai katak, tuir los nee halao tiha ona iha fulan sira liu ba kotuk, maibe ho razaun tanba halo kontajen no orsamentu sira nee.
“Iha hela Konselhu Ministeu, hein reajendamentu iha tinan ida nee bele konklui, implementasaun nia efetividadade depois prozimo orsamentu Jeral Estadu,” dehan Ministru Justisa jornalista sira iha Kaikoli, Kuarta nee (06/08/2025).
Iha fatin ketak, Akademiku UNTL, Rafael de Jesus dehan, Guarda sira nia servisu importante tebes, tanba nee presiza kria estatutu ida atu regula sira nia servisu.
“Hanoin importante duni kria estatutu ida hodi regula sira nia servisu, atu nunee sira bele servisu diak liu tan,” dehan nia.
Afirma, knaar neebe sira iha atu asegura dadur sira, tanba nee kria estatutu ida atu valoriza mos sira nia servisu.
Antes nee Diretor Prizaun Gleno, Cristianho Salsinha dsklara, husu Governu atu tau atensaun ba iha estatutu Guarda Prizional nian hodi bele hetan aprovasaun lalais. Tanba sira barak servisu kleur ona maibe kontinua ho grau level dois.
(ter)
