DILI, STLTIMORLESTE.com – Servisu Edukasaun Munisipiu (SEM) Manatuto fo ona orientasaun ba eskola neebe mak estudantes sira seidauk uza uniforme eskolar.
Liafuan nee hatoo husi Diretor Servisu Edukasaun Munisipiu Manatuto, Patricio da Cruz Quintao ba jornalista STL liu husi telefone, Kinta nee (07/08/2025).
“Agora kona-ba uniforme nee mak foin lalais nee ita simu sirkular, agora tuir informasaun eskola balun implementa ona, foin lalais nee mak eskola sira balun seidauk implementa, ita iha ona sirkular no ita fo ona ba eskola sira para hakarak ka lakohi sira tenke prepara ona uniforme ba ita nian estudantes sira, ita nian eskola balun uza ona uniforme, maibe ita seidauk identifika lo-loos katak eskola hira mak ninia estudantes uza ona uniforme no hira mak seidauk uza,” nia esplika.
Nia dehan, eskola balun neebe mak seidauk uza uniforme nee, SEM Manatuto orienta ona sira, para sira bele uza sirkular ida nee hodi bele prepara uniforme nee ba estudantes sira, tanba eskola balun deit mak ninia estudantes hahu uza uniforme no balun seidauk uza.
(jac)
