DILI, STLTIMORLESTE.com — Sekretariu Estadu Asuntu Toponimia no Organizasaun Urbanu (SEATOU), Germano Santa Brites Dias hasoru malu ho Ministru Justisa (MJ), Sergio da Costa Hornai, hodi halao kooperasaun servisu iha Modernizasaun Politika Nasional Urbanizasaun.
“Ita hakarak halo servisu ida neebe integradu entre linha ministerial sira, husi MAE neebe halo servisu oinsa halo modernizasaun ba ita nia Politika Nasional iha urbanizasaun nian, ita orienta daudaun hanoin balun, no Ministeŕu Justisa sei responsavel ba administrasaun Jestaun Terras no Propriedade buka koopera oinsa atu haree politika ida nee,” hateten Ministru Justisa, Sergio da Costa Hornai hafoin enkontru ho SEATOU iha nia knaar Fatin Kolmera, Sesta (08/08/2025).
Nia hatutan, kooperasaun servisu nee hodi haree ba propriedade estadu no privadu neebe afetadu ba dezenvolvimentu, presiza duni iha koordenasaun.
Nia sublina, ita hotu-hotu nia ezijensia no preokupasaun ba dezenvolvimentu, mais por outro lado Estadu mos iha biban para atu organiza no halo atividade alargamentu no mos halo medida sira tuir lei haruka.
Iha fatin hanesan, Sekretariu Estadu Asuntu Toponimia no Organizasaun Urbanu (SEATOU), Germano Santa Brites Dias hateten, hasoru malu ho Ministru Justisa atu koopera servisu iha terenu ligadu ho papel Terras Propriedade nian.
“Vizita nee atu halo deit linha koordenasaun servisu iha terenu, ida nee mak ohin aproveita tempu atu mai kolia ho Ministru atu haree took servisu ba futuru nian,” Hateten Germano.
Nia esplika, Ekipa konjunta nee entre linha ministerial sira, hanesan Ministeriu Administrasaun Estatal, Ministeriu Justisa liu husi Terras no Propriedade inklui seluk tan.
(ter)
