DILI, STLTIMORLESTE.com – Instituto Ciência Saúde (ICS) halo asina akordu ho Ministériu Ensinu Superior Siensia no Kultura (MESSK), maibe osan subensaun publika refere too agora seidauk sai.
Haktuir Reitor ICS, Leão Borges ba jornalista sira iha Eskola Sekundariu Jeral FINANTIL, Tersa (12/08/2025).
Nia hatete, kona-ba subensaun publika nee ninia numeru iha tiha ona, maibe osan too agora seidauk sai.
“Iha ICS hetan rihun US$ 115,500 (cento e quinze mil e quinhentos), maibe osan nee ami seidauk simu, maske akordu nee ami asina tiha ona iha loron 25 de Julhu tinan nee, maibe osan nee seidauk sai. Karik osan nee sai ami sei uza ba iha atividades tolu, ida apoiu ba estudantes, dosentes no ida seluk tan, atividades tolu deit,” katak nia.
Nia afirma, agora daudaun sira hein hela osan subensaun nee, la hatene bainhira mak sai, sira hein hela osan ida nee para bele ezekuta ba iha atividades tolu neebe mak ohin mensiona.
(jac)
