DILI, STLTIMORLESTE.com – Dosentes neebe ho grau lisensiatura ka S1 iha Instituto Ciência Saúde (ICS) hanorin estudantes neebe hasai diploma 3 ka D3.
Reitor ICS, Leao Borges hatete, iha ICS dosentes ho grau lisensiatura ka S1 mos, sira nee hanorin diploma 3 ka D3. Agora daudaun iha ona aprovasaun husi Ministériu Ensinu Superiór Siénsia no Kultura (MESSK), departamentu tolu neebe mak bacharelatu sae ba lisensiatura,nee mak hanesan departamentu parteira, farmacia no nutrisaun. Nee liu husi esforsu boot ida neebe mak instituisaun halo, no hetan aprovasaun iha fulan Julhu liu ba.
“Ami nian fakuldade ida deit nee mak saude nee, ninia departamentu maka hanesan departamentu infarmajen, parteira,farmacia, nutrisaun ho laboratorium ,total estudantes neebe ativu 4000 resin,” informa nia ba STL, Kuarta (13/08/2025).
Nia hatete, dosente sira agora sira tuir ona teste iha FDCH, sira nian 5 ka 6 liu ona iha teste nee, maibe bainhira mak ba nee seidauk iha informasaun ruma. Nee ba estudu iha area saude ninia,ba iha nasaun rua nee maka hanesan Portugal no Brazil.
Nia hatutan, universidade nee laos baratu, ida-idak ba ho ninia osan. Sira neebe ohin temi nee husi FDCH, maibe too agora seidauk iha serteza katak, bainhira mak sira atu ba. Ba iha area parteira, infarmajen, farmacia no laboratorium. Total dosentes permanenti iha ICS hamutuk 50 resin, no balun bolu parte tempu. Parte tempu nee doutoramentu nain rua, maestradu mos iha ,maibe parte tempu hotu.
Iha parte seluk Reitor ISC, Sebastiao Perreira hatete, dosentes iha ISC doutoramentu no maestradu, nomos hirak neebe ho grau lisensiatura nee, sira kontinua estudu no Governu fo bolsu estudu ba dosente sira.
(jac)
