DILI, STLTIMORLESTE.com – Estudantes Tekniku Vokasional no Sekundariu Jeral iha Munisipiu Likisa, sira sempre halo pratika ba departamentu multimedia ninia.
Asuntu nee hatoo husi Diretor Servisu Edukasaun Munisipiu Likisa, Julio da Silva ba jornalista STL liu husi telefone, Sesta (15/08/2025).
Nia dehan, eskola tekvo iha Munisipiu Likisa sira nian komputador iha, maibe seidauk sufisiente.
“Komputador neebe iha seidauk sufisiente, tanba tinan hira ona hau fo apoiu ba sira, dala ruma husi diresaun sira fo apoiu komputador ba eskola nee, sira fo direita ba iha eskola. Ita ladun asesu ba iha informasaun, nee duni ita seidauk hatene lo-loos katak, tinan nee ita nian eskola sira hetan ona komputador husi parte relevante ka lae,” nia afirma.
Julio dehan, maibe eskola tenke sira iha komputador para estudantes sira uza ba halo pratika. Neebe sira halo tuir deit orariu, para pratika nee troka malu. Balun tama uluk no balun tama ikus, tekvo ida agronomi nee halai liu ba iha agrikultura, tekvo ida mak estudantes sira halo pratika, tanba iha departamentu multimedia ninia.
(jac)
