DILI, STLTIMORLESTE.com – Iha loron Sesta nee Prezidente Republika (PR), Jose Ramo Horta sai uma nain ba Palestra Prezidensial 2025 Serie II, neebe ho tema Timor Leste iha Mundu ida neebe mudansa Previzaun Global no Integrasaun Rejional ba Futuru Reziliente.
Eventu nee halao iha Palasiu Prezidensial, Nicolau Lobato no konvoka polítiku, diplomata, akadrmiku, no sosiedade sivíl sira, hodi esplora dalan estratrjiku Timor Leste nian iha dinamika global no rejional neebe evolui daudaun.
Bainhira Timor Leste prepara aan atu adezaun tomak ba ASEAN, forum nee fo oportunidade krusial atu envolve ho lian prinsipal sira kona-ba jeopolítika no kooperasaun rejional. Serie Palestra sira nee apresenta orador distintu rua husi Singapura Profesor Kishore Mahbubani, matenek nain iplomata ida neebe iha reputasaun mundial, no Embaixador Edward Lee, peritu ida kona-ba asuntu sira ASEAN nian. Sira nia diskusaun sira fo hanoin krítiku kona-ba oinsa Timor-Leste bele navega inserteza global sira enkuantu maximiza benefísiu sira husi integrasaun rejional.
Hodi haburas dialogu entre Timor Leste nia lideransa no pensador prinsipal sira Sudeste Aziatiku nian, forum nee hametin ligasaun ho instituisaun rejional sira no inspira polítika inovativu sira neebe alina ho Vizaun ASEAN 2045 nian.
Profesor Kishore Mahbubani, eis diplomata Singapura no Dekanu husi Eskola Polítika Publika Lee Kuan Yew, hatoo diskursu prinsipal Navega iha Tasi neebe Kalma no revoltu Estadu Mundu nian no Timor Leste nia Pasu ba Oin. Nia analize foka ba tendensia global no implikasaun ba nasaun emerjente sira.
Embaixador Edward Lee, diplomata esperiente ida ho esperiensia klean iha ASEAN, aprezenta “Singapura nia Esperiensia no Parseria ba Timor-Leste nia Integrasaun perfeita iha ASEAN 2045. Nia komentariu trasa estratejia pratika ba Timor Leste atu buras iha bloku rejional nia laran.
Serie Palestra sira diskute dezafiu no oportunidade sira neebe mak estadu kiik sira hasoru iha mundu ida neebe maka kompleksu ba beibeik.
Iha kontestu kompetisaun jeopolitika, mudansa ekonomika, no risku klimatiku sira, diskusaun sira sublina oinsa Timor-Leste bele trasa dalan ida ba estabilidade no dezenvolvimentu sustentsvel.
Eventu nee mos sublina nasaun nia adezaun ba ASEAN, oferese lisaun pratika sira hosi esperiensia Singapura nian iha kooperasaun rejional no kreximentu ekonomiku.
“Timor Leste hamriik iha momentu pivotal ida iha ninia istpria hakuak adezaun ba ASEAN enkuantu navega mundu ida neebe sai kompleksu ba beibeik. Serie Palestra ida-nee sai hanesan plataforma ida neebe importante tebes atu envolve ho pensadpr global no rejionsl sira hanesan Profesor Mahbubani no Embaixador Lee, neebr sira-nia perspetiva sei ajuda ita atu harii futuru ida ho rezilirnsia, kooperasaun, no prosperidade. Hamutuk, ita tenke uza oportunidade integrasaun rejional nian hodi hasoru dezafiu sira nerne partillada, hahu husi mudansa klimatika too transformasaun ekonomika,” afirma Prezidente Ramos
Horta.
Serie Palestra nee sublina Timor Leste nia kompromisu ba previzaun estratejiku no kolaborasaun rejional bainhira hakat ba era foun adezaun ASEAN nian no envolvimentu global.
(eme)
