DILI, STLTIMORLESTE.com – Sekretariu Jeral Partidu FRETILIN, Mari Alkatiri hatete, Timor Leste (TL) referendum ba tinan 26 ona, tanba nee lider sira presiza halao reflesaun ba idak-idak nia aan hodi hadia povu nia moris.
“Ita tenke onestu ba ita nia aan rasik, onestu ba ita nia povu para halo refleksaun saida mak ita promote uluk durante luta nee ita kumpre duni ona kalae, ita seidauk kumpre hau haree deit grupu oan ida mak sai riku derepenti, uluk kiak liu hau agora riku liu hau lahatene dala hira, hau laos dehan hau mak kiak, hau dehan hau preokupa ho povu maioria ke kiak hau mos la riku ida hau moris ho hau nia serbiu, nemak hau nia preokupasaun, la bele blokea sistema justisa,” dehan Sekretariu Jeral Partidu FRETILIN, Mari Alkatiri ba jornalista sira, iha salaun Farol, Dili, Kuarta (27/08/2025).
Eis Primeiru Ministru iha Primeiru Governu Konstitusional afirma, labele dehan Tribunal uluk nee partidarizadu, se partidarizadu Partidu FRETILIN deit mak partidu ka. “Be imi agora hakarak uza imi nia poder imi mai husi neebe imi nia partidu selu, para Tribunal deside indepedente maibe sira nia hakarak Tribunal deside afavor ba sira nia desizaun hakarak nemak labele, se deside afavor entau dehan hamutuk FRETILIN nee lalos, sira ho sira mak uza sira nia poder partidu fo ba sira para kontrola tribunal laos FRETILIN, senhor Carmona hau hatete ona hanesan jurista devia premeiru koiza devia nia halo hanoin tuir lei no konstituisaun laos tuir ordem superior,” katak Mari.
Sekretariu Jeral Partidu FRETILIN nee hatutan, foinsae sira mak rikusoin boot ba Timor Leste neebe iha agora.“Sira nee mak rikusoin boot ida ita neebe agora iha uluk la vota tanba labele agora vota para muda sasan sira nee, vota ho intensaun ba sira nia diak, balun sei estuda balun sai doutor balun hakarak sai enjineira kondisaun mak laiha buat sira nee, talentu iha, talentu iha,” katak Mari Alkatiri.
(eme)
