DILI, STLTIMORLESTE.com – Dosentes husi Instituto Ciência Saúde (ICS) durante nee partisipa iha formasaun lian português husi Ministériu Ensinu Superior Siensia no Kultura (MESSK).
Lia hirak nee hatoo husi Reitor ICS, Leao Borges ba jornalista STL iha niaknaarfatinBalide, Sesta (05/09/2025).
“Durante nee ami nian dosentes sira tuir hela formasaun lian português nee,” nia informa.
Reitor ICS dehan, kona-ba dadus dosentes nain hira mak partisipa iha formasaun, nia parte ladun iha konhesimentu. Maibe sira nian dosentes lisensiatura barak liu mak partisipa iha formasaun nee.
Iha fatin seluk, Diretur Jeral Ensino Superior e Ciensia, Maria Filomena Lay Guteres dehan, kona-ba dadus enjeral tuir formasaun liu husi rejistu nee númeru boot mak 400 maibé ativu iha 250.
Jornalista: Jacinta Sequeira
Editora: Domingas Gomes
