DILI, STLTIMORLESTE.com – Loron 10 Setembru tinan nee fo hanoin hikas ba sarani sira, tanba nee realiza atividade misa agradesimentu ba Maktoban Sua Santidade Papa Francisco neebe halao iha Tasi-Tolu horiseik, seguransa lao diak.
Komandante PNTL Munisipiu Dili, Superintendente Xefe Polisia Orlando Gomes dehan, misa agradesimentu ba vizita Maktoban Sua Santidade Papa Francisco tinan ida nian iha Tasitolu neebe maka halao iha horseik lokraik, seguransa lao diak.
“Ita hotu akompanha durante selebrasaun misa situasaun lao diak, sarani sira nia movimentu mos lao diak, transporte sira para tutuir ninia fatin. Nee hatudu katak ita nia joven sira, sarani sira hatudu disiplina, no sira mos bele partisipa iha misa nee rasik,” hatete nia ba jornalista sira iha Eskuadra Dom Aleixo Comoro, Kinta (11/09/2025).
Nia esplika, iha selebrasaun misa agradesimentu ba Maktoban Sua Santidade Papa Francisco nian nee, apoiu husi membru Unidade Espesial Polísia (UEP), Unidade Polísia Maritima (UPM) no membru FALINTIL Forsa Defeza Timor Leste (F-FDTL), no hamriik iha estrada ninin sira iha fatin sira neebe identifikadu inklui mos parseiru husi KPK sira, nomos grupu joven sira mos apoiu.
“Ita nia membru PNTL husi UEP, UPM, F-FDTL nomos KPK no inklui mos gurpu joven sira hotu apoiu seguransa ba ita nia misa agradesimentu ba Papa Francisco nian neeba kompleta tinan ida ona, ita haree sarani sira asiste misa nee lao diak no remata ho diak,” nia deklara.
Jornalista: Jeniche da Costa
Editora: Domingas Gomes
