DILI, STLTIMORLESTE.com – Ministeriu Edukasaun (ME) hamutuk Ministériu Saude (MS) halo identifikasaun ba estudantes defisiensia matan nível ensinu baziku iha Munisipiu Lautem, hodi fahe oklu 30 ba estudantes 30.
Diretor Nasional Edukasaun Inkluzivu Asaun Sosial Eskolar, Fernando Soares hatete, ME ho MS halo hela identifikasaun ba defisiensia matan.
“Ami ho parte saude sira halo hela identifikasaun ba defisiensia matan nee, entaun ita halo identifikasaun fali deit, para distribui oklu nee ba estudantes sira nee. Ita foin fo iha Munisipiu Lautem, ita fo oklu ba estudantes defisiensia matan hamutuk 30. Nee ita hamutuk ho parte saude ninia, ita halo identifikasaun ba sira, depois ita distribui oklu ba sira,” dehan nia ba STL, Segunda (15/09/2025).
Fernando dehan, oklu neebe distribui ba estudantes sira, hetan apoiu husi parseiru balun servisu hamutuk ho EhD, nomos parseiru sira seluk inklui ho MS, nee mak halo identifikasaun. Depois halo distribuisaun oklu 30 ba estudantes 30 iha nibel ensinu baziku iha Munisipiu Lautem.
Nia hatutan, depois nee sei kontinua identifika fali iha Munisipiu seluk. Nee hamutuk ho doutor sira identifika labarik sira nian matan. Agora ba fali iha Munisipiu Baukau, Aileu, Ermera no Dili.
Jornalista: Jacinta Sequeira
Editora: Domingas Gomes
