DILI, STLTIMORLESTE.com – Prezidente Republika (PR), Jose Ramos Horta halo abertura solene, sesaun da III lejislativa ba dala VI, iha Parlamentu Nasional Nasional.
Liu husi diskursu prezidente Republika hatoo agradese ba Parlamentu Nasional neebe konvida ona, hodi mai halo abertura solene sesaun da III lejislativa ba dala V,I iha Parlamentu Nasional nasional.
“Uluknanain hau hakarak agradese ba konvite atu koalia ba Povu no ba Exelensia sira, ilustre Deputada no Ilustre Deputadu sira, iha Abertura Solene ida-nee ba Terseira Sesaun Lejizlativa Parlamentu Nasional nian,” dehan Prezidente Republika, Ramos Horta liu husi diskursu, iha Parlamentu Nasional, Segunda (15/09/2025).
Xefe Estadu dedika intervensaun ida nee ba topiku kona-ba pratika diak sira polítika, administrativa, operasional no finanseira neebe implementa ona iha tinan tolu ikus hau nia mandatu hanesan Prezidente Republika. Serimonia solene nee fornese vídeo ida no fotografia balun neebe ilustra atividade prinsipal no programa sira neebe dezenvolve iha ambitu prioridade sira mandatu prezidensial, atu nunee bele fo evidensia laos deit esforsu sira neebe dezenvolve ona, maibe mos rezultadu sira neebe hetan ona no impaktu neebe hamosu ona iha vida nasional.
Nunee mos, relatoriu detalhadu konaba atividade sira, tantu iha rai-laran no iha rai-liur, disponivel ba Vossa Exelensia sira.
Konstituisaun konfere ba Prezidente Republika knaar nuudar garante nasaun nia independensia, Estadu nia unidade no instituisaun demokratika sira nia funsionamentu regular, tanba nia lejitimidade kualifikada, iha kompetensia importante hodi salvaguarda kumprimentu eskluzivu ba Konstituisaun ho ninia valor sira, neebe maka, afinal, valor sira nasaun nian neebe maka duni hela.
“Hau buka atu ezerse hau-nia poder prezidensial sira ho forma ativa no ekilibrada, hodi implementa konjuntu programa sira neebe alina ho prioridade estratejika sira neebe uluk define ona ba hau-nia mandatu hametin parseria estratejika sira iha ambitu relasaun internasional valorizasaun ba edukasaun no saude apoiu ba foin-sae sira, ba empreendedorizmu, ba arte no ba kultura promosaun igualdade jeneru no inkluzaun defeza ba Estadu Direitu Demokratiku no justisa sosial,” dehan Xefe Estadu.
Jornalista: Emerenciana Pinto
Editora: Carme Ximenes
