DILI, STLTIMORLESTE.com – Prezidente Republika (PR), Jose Ramos Horta dehan, manifestante sira sunu kareta estadu ida, nee krimi no bandalismu tenke responsabliza ba hatan iha tribunal.
Liafuan nee Prezidente Republika Jose Ramos Horta hatoo ba jornalista iha Palasiu Prezidensial Nicolau Lobato, Bairo Pite, Tersa (16/09/2025).
Nia hatete, estudante sira neebe halo demostrasaun hasoru Parlamentu Nasional relasiona ho sosa kareta 65 ba deputadu sira maibe ikus hamosu aktu violensia tanba sunu kareta estadu, nee krime tenke responsabliza ba hatan iha tribunal.
“Nee krimi, nee sei ba responde iha tribunal, laiha toleransia ba ida. Nee semak halo violensia, halo bandalismo lakon, nee iha fatin hotu hotu nunee. Protestu nee manifestasaun direitu sidadaun hotu hotu, violensia laos direitu ida,” dehan Horta.
Nia hatete, Governu karik halo sala no parlamentu halo sala estudante ka sidadaun hotu iha direitu atu kritika liu husi halo demostrasaun hasoru, laos justifika fali sunu kareta estadu, ka uma estadu, tanba nee propriedade estadu.
Jornalista: Emerenciana Pinto
Editora: Domingas Gomes
