DILI, STLTIMORLESTE.com – Familia kbiit laek nian oan nain 6 daudaun eskola gratuita iha Eskola Sekundariu Nobel da Paz.
Fundador Eskola Nobel da Paz, Jeremias P. de Jesus dehan, labarik neebe mak kbiit laek nian oan, ekonomia família nian ladun sufisiente, no iha balun mos ninia oan nain tolu mak eskola iha nee.
Labarik neebe mak kbiit laek nian oan, ekonomia família nian ladun sufisiente,no iha balun mos ninia oan nain tolu mak eskola iha nee, nee nain ida ita fo gratuita deit, maibe nain rua seluk mak selu, nee mak hau konta hamutuk nain nen. Segundu grupu neebe husi uma mahon, nee mos haree ba iha ekonomia família nian, nee estadu mak selu hamutuk 26. Nee tinan-tinan estadu mak selu, ida seluk mak hanesan ema neebe defisiensia, ba tinan ida nee nain 10,” informa nia ba STL, Kuarta (17/09/2025).
Jeremias dehan, defisiensia nee sira bele selu, maibe laos selu antes, too iha final mak bainhira sira iha kbiit,nee foin sira bele selu. Nudar ema umanu sempre ajuda malu nee importante tebes.
Nia hatutan, Nobel da Paz nee kada tinan sempre ajuda kbit laek nian oan, neebe mak kontinua estudu iha eskola ida nee. Ajuda malu nee importante ba buat hotu.
Jornalista: Jacinta Sequeira
Editora: Domingas Gomes
