DILI, STLTIMORLESTE.com – Bainhira estudantes sira ba legaliza diploma tenke hatudu diploma orijinal, se lae Ministeriu Edukasaun (ME) sei la halo atendimentu.
Liafuan nee haktuir husi
Diretor Nasional Ensinu Sekundariu iha ME, Benjamin Gomes da Cruz Fernandes ba STL, Kuarta (17/09/2025).
Nia dehan, bainhira estudante sira atu mai egaliza diploma, mai tenke hatudu diploma original. Bainhira mai la lori, nee sei la atende. Tanba durante lao hanesan nee, nee maka hodi hetan diploma falsu sira nee.
“Neebe atu legaliza diploma, estufante nee tenke hatudu uluk diploma original. Kuandu la hatudu original,nee labele legaliza,” nia dehan.
Tuir Benjamin katak, legaliza diploma nee hanesan ohin hatama mai,no aban mak sei foti. Maibe ba dokumentus neebe mak sira deskonfia,nee sira sei halo verifikasaun ho parte kurrikulum nian.
“Verifika ho parte kurrikulum, atu nunee bele haree lolos. Bainhira ami haree la asli, nee ami sei tahan no entrega ba iha prosesu investigasaun ninia,” nia tenik.
Nia hatutan, atu atendementu urjenti ruma mos tenke hatudu diploma original, nee bele mai tur hein kedas, maibe bainhira kuandu original mak laiha, nee labele atende.
Jornalista: Jacinta Sequeira
Editora: Domingas Gomes
