DILI, STLTIMORLESTE.com – Estudantes finalista tenke prepara aan estuda para bele hetan valor neebe diak. Tanba tuir kalendariu husi Ministeriu Edukasaun (ME), ezame nasional sei halao iha Outobru tinan nee.
Liafuan nee haktuir husi Diretor Eskola Sekundariu Nobel da Paz, Jeremias P.de Jesus ba STL, Kinta (18/09/2025).
Nia dehan, husu nafatin ba estudantes finalista sira hotu, atu bele prepara aan estuda ho diak, tanba iha tempu badak nian laran imi hotu sei partisipa iha ezame nasional no ezame lokal, neebe sei halao iha Outobru tinan nee.
“Hau nuudar Diretor nafatin fo hanoin ba estudantes sira, atu hetan valor neebe diak iha ezame nasional no lokal nee,” dehan nia.
Jeremias reforsa, materia neebe durante nee professores fo ona ba estudantes liu husi prosesu aprendizajen kada loron nian. Husu ba estudantes ida-idak fila ba uma tenke estuda fali, hodi hein ba ezame nasional.
Nia hatutan, kona ba sala neebe sira prepara ba ezame nasional nee hamutuk 22, ba 605 estudantes finalista neebe mak rejistadu iha livrua atu partisipa ezame nasional iha tinan ida nee.
Jornalista: Jacinta Sequeira
Editora: Domingas Gomes
