BAUKAU, STLTIMORLESTE.com – Estudante finalista anu letivu 2025 husi ensinu baziku terseiru siklu, ensinu sekundaria jeral no tekniku vokasional iha Munisipiu Baukau liu rihun 5 sei partisipa ezame nasional iha loron 28 Outubru 2025.
Diretor Servisu Munisipal Edukasaun Baukau, Afonso dos Santos da Costa esplika, relasiona ezame nasional anu letivu 2025 nian Servisu Munisipal Edukasaun Baukau preparadu atu lori estudante sira tuir ezame refere iha tempu besik.
“Ita nia estudante tuir ezame nee husi ensinu baziku terseiru kiklu 2.659, sekundaria 2.414, tekniku vokasional 229,” dehan nia ba STL iha Vila Nova Baukau, Kinta (18/09/2025).
Nia sublina, husi numeru estudante ensinu baziku terseiru siklu kompostu mane 1.344 no feto 1.315 sei akumula iha sentru ezame 42, estudante sekundaria husi eskola 23 sei akumula iha sentru ezame 23 no estudante husi eskola tekniku vokasional 5 sei akumula iha sentru ezame 5.
Nia fundamenta, ezame nasional refere sei realiza iha loron 28 Outobru 2025 no preparasaun sira kona-ba orsamentu, fatin ezame, profesores no vizilansiador masimu ona no hein deit loron realiza ezame.
“Ami nia ida vizilansia atu akompanha nee husi Servisu Munisipal rasik iha 50 ital mak atu akompanha, mais ita nia vizilansia kada sala nain 2 akompanha husi diritores sira,” Afonso akresenta.
Diretor nee deklara, ezame nasional refere bainhira realiza ekipa husi Servisu Munisipal Edukasaun Baukau sei koloka vizilansiador liu nain 50 destkaa iha sentru ezame hodi halo vizilansia, maibe sei hetan akompanhamentu husi diretores eskola, tanba nee iha loron 23 Setembru nee sei realiza enkontru ho diretores eskola sira iha Munisipiu Baukau molok hakat ba loron ezame nasional.
Jornalista: Tomas Reis
Editora: Domingas Gomes
