DILI, STLTIMORLESTE.com – Atu halo promosaun ba Juiz sira husi terseira klase ba iha segunda klase no husi segunda klase ba iha primeira klase, tenke liu husi inspesaun.
Tuir Jurista, Jose Maria Guterres katak, atu halo promosaun ba Juiz sira tenke tuir regra neebe iha.
“Atu halo promosaun tenke tuir regra neebe iha, bele liu husi dalan inspesaun nian hodi haree ida neebe merese hodi sae klase,” dehan Jose ba STL, iha Kaikoli, Dili, Kinta (18/09/2025).
Juiz balu tuir nia ohin loron serbisu kleur no iha duni kapasidade, tanba nee sira bele hakat tan pasu ida ba oin, maibe ida nee kabe ba iha Konselhu Superior Majislatura Judisial (KSMJ).
Iha fatin ketak, Prezidente Tribunal Rekursu, Afonso Carmona dehan, promosaun tenke liu husi inspesaun neebe Inspetor sira halo.
“Promosaun tenke liu husi inspesaun neebe inspetor sira halo, inspetor foin mai tanba nee halo despaisu hodi halo inspesaun ba Juiz sira nia prosesu lao hela, “dehan Prezidente Tribunal Rekursu, Afonso.
Nia dehan, despaisu iha Juiz nain hitu maka sei halo avaliasaun husi segunda klasse ba iha primera klasse, no sira terseira klasse ba iha segunda klasse Inspetor ida uluk halo tiha ona tanba nee sei haree hotu nia rezultadu.
Aleinde nee, Membru KSMJ, Alexandre Corte Real dehan, tempu ona atu halao promosaun ba Juiz sira, maibe tenke haree prense rekejitu ka lae.
“Promosaun tenke liu husi regra neebe iha, priense rekejitu ka lae, tanba nee husik Inspetor halao nia servisu,” dehan nia.
Jornalista: Terezinha De Deus
Editora: Carme Ximenes
