DILI, STLTIMORLESTE.com – Prezidente Republika (PR), Jose Ramos Horta sei kondekora Primeiru Ministru (PM), Dato Seri Anwar Ibrahim ho Grande Colar da Ordem de Timor Leste, tanba PM Malazia fo apoiu makaas ba Timor Leste tama ASEAN.
Xefe Estadu liu husi diskursu, iha Salaun Multi Uzu, Bebora, Dili, Tersa (23/09/2025) hatete, sei kondekora Primeiru Ministru Malazia ho Grande Colar da Ordem de Timor-Leste distinsaun aas liu nasaun nian.
No PM Malazia sei sai onra boot nunee Prezidente kondekora Primeiru-Ministru, Dato Seri Anwar Ibrahim ho Grande Colar da Ordem de Timor-Leste, nasaun nia onra aas liu. Kondekorasaun ida-nee nuudar rekonesimentu ba ninia advokasia pesoal no kleur ona ba kauza, no ba Malazia nia papel xave, iha ninia lideransa nia okos, hodi apoia Timor dezenvolvimentu nasional no jornada atu sai membru ASEAN ba dala-11.
Timor Leste sei buka atu hametin kooperasaun iha defeza, seguransa no siberseguransa. No am sei intensifika konetividade aerea, hodi konsolida marku neebe alkansa ona iha tinan ida-nee ho sasemok diretu Batik Air nian entre Kuala Lumpur no Díli.
Hirak-nee maka medida konkreta sira atu haklean amizade no hamosu benefísiu tanjível sira ba povu sira.
“Iha nota pesoal, hau iha privilejiu, iha inísiu tinan ida-nee, partisipa iha lansamentu ita-boot nia livru “Global Justice and Peace Through Dialogue. Ita-boot nia mensajen dehan katak fraternidade umana laos ideal abstratu ida, maibe aliserse dame nianiha sintonia klean ho ami-nia istoria neebe todan no ami-nia kompromisu ba rekonsiliasaun. Ita-boot nia liafuan sira fo hanoin mai ami kona-ba líder sira-nia knaar atu harii ponte, promove dialogu no kura kanek sira iha fuan. Ida-nee maka espíritu neebe ami hanoin atu lori ho ami ba ASEAN no ita-nia rejiaun komun.” Katak PR, Horta.
Lori povu no governu Timor-Leste nia naran, Prezidente Republika agradese dala ida tan ba Primeiru Ministru nia vizita, vizita amizade no no PM Malazia nia apoiu neebe la nakdoko.
“Ami hein bele hasoru fali ita-boot iha Kuala Lumpur iha fulan oin mai, iha Simeira istorika neebe ikus mai Timor-Leste sei hola nia fatin iha família ASEAN nian. Aban, hau sei iha privilejiu atu fo premiu Grande Colar da Ordem de Timor-Leste ba ita-boot—distinsaun aas liu ami-nia nasaun nian,” dehab PR, Horta.
Tanba Timor-Leste tuir Xefe Estadu sei hanoin nafatin saida mak Vosa Exelensia, no Malazia, halo ba Timor Leste liu husi apoiu oin oin neebe halo on aba Timor Leste.
“Mai ita foti ita-nia kopu ba saúde no ksolok husi Sua Exelensia Primeiru-Ministru Anwar Ibrahim, ba amizade neebe metin entre Malazia no Timor-Leste, no ba vizaun partillada kona-ba Sudeste Aziatiku ida neebe pasífiku, prosperu no unidu,” declara PR, Horta.
Jornalista: Emerenciana Pinto
Editora: Carme Cimenes
