DILI, STLTIMORLESTE.com – Polisia Nasional Timor Leste (PNTL) liu husi eskuadra PNTL Postu Likisa halo prosesu investigasaun ba kazu sunu eskola mak Sao Joao de Brito no Eskola Cafe iha MunisÃpiu Likisa.
Tuir Direitor Edukasaun Munisipiu Liquica, Julio da Silva dehan, Superintendente hatoo kedas kazu nee ba Komandante Munisipiu, maibe tanba ema deskonhesidu, entaun parte PNTL sei buka tuir.
Dadaun nee parte PNTL Liquica halo investigasaun ba kazu sunu eskola rua nee, no sira sei rekoila dadus. Ba kazu 2 nee prosesu investigasaun lao hela.
“Ita nian eskola rua mak ema deskoinesidu sunu iha semana kotuk, ida akontese iha loron Tersa madrugada no ida seluk Kinta madrugada. Nee duni laos eskola tolu, maibe eskola rua deit mak eskola Katolik Sao Joao Brito,nee hamutuk deit Sekundariu no Ensinu Baziku, no ida seluk eskola Cafe. Akontesimentu ba eskola rua nee hanesan deit, ema deskoinesidu mak sunu. Kazu rua nee tanba ema deskoinesidu ita fo deit informasaun ba polisia, para bele haree. Hau koalia ona ho komandante eskuadra,” afirma Julio ba STL liu husi telefone, Kuarta (24/09/2025).
Julio hatete, eskola Sao Joao de Brito nee ema deskoinesidu mak sunu, nee duni livru labarik sira nian kaderneta, kadeira meza,komputador,labtop,eskritori, sala de aula, sala Direitor ensinu baziku ninin estragus aat liu fali eskola cafe, tanba Cafe nee sala ida deit.
Jornalista: Jacinta Sequeira
Editora: Domingas Gomes
