DILI, STLTIMORLESTE.com – Kaderneta Eskolar ba Eskola Sekundariu Jeral (ESJ) sufisiente ona, no karik eskola balun neebe sei menus, presiza halo pedidu mai ministériu.
Liafuan nee haktuir husi Diretor Nasional Ensinu Sekundariu iha ME, Benjamin Gomes da Cruz Fernandes ba jornalista STL, Kuarta (24/09/2025).
“Ami nian haree konaba kaderneta eskolar nee iha, tanba kaderneta ba nibel hotu iha hela, maibe oinsa mak husi ita nian eskola ida-idak halo pedidu mai iha Ministériu iha diresaun, ho nunee bele hatoo ba iha diresaun kurrikulu ninia. Sekuandu husi eskola mak nonok deit,entaun ami atu hatene husi neebe,” nia esplika.
Nia afirma, bainhira pedidu husi eskola mai iha Ministériu, para bele prepara kaderneta ba eskola neebe sei menus, tanba kaderneta nee produs iha sentru formasaun impresaun, maibe agora labele produs tanba sei imprimi hela Pontus Ezame Nasional ninia.
Jornalista: Jacinta Sequeira
Editora: Domingas Gomes
