OEKUSI, STLTIMORLESTE.com – Suku Taiboco, Rejiaun Administrative Espesial Oekusi-Ambeno, Sub-Rejiaun Pante Macassar rejistu kazu ema ho moras HIV nain 1.
Xefe Departamentu Moras Hadaet no Lahadaet, Domingos Fatubai hatete, dadus neebe agora dadaun rejistu iha Regiaun Administrativu Especial Oekusi-Ambeno (RAEOA), Sub-Rejiaun Pante Macassar hamutuk 95 kazu, husi numeru nee iha Suku Taiboco iha kazu 1.
“Suku Taiboco agora dadaun ita halo sensibilizasaun ba nee iha kazu 1,” dehan nia ba jornalista STL iha Suku Taiboco, Kuarta (24/09/2025).
Nia tenik, Servisu Saude RAEOA lao tuir protokulu neebe maka durante lao ona, no konaba tratamentu ba moras HIV lao hela.
“Konaba tratamentu tuir protokolu neebe iha nee 95 mak ita halo ona tratamentu, iha balun seidauk halo tratamentu tanba distansia neebe dook, maibe ita nia pesoal saude sira hodi buka tuir nafatin sira atu sira bele halo tratamentu,” nia deklara.
Jornalista: Jeniche da Costa
Editora: Domingas Gomes
